2 Kolinte 11:4 - Livulu lya Shukulu Kalunga

⁴ Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 11:4 Iomraidhean Croise

Mako 7:9

Co Yesu wendekele lalo ngwendi, “Yeni munaleulula mashiko a Njambi ngeci mukave vilongesa vyeni.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

1 Kolinte 3:11

Omwo Njambi naaka laja Yesu Kilistu kupwa luvula lumo, co kukwesi lalo luvula lweka vasa kujala lwai.

2 Kolinte 11:1

Nga mwasa kunjitolilila, nambe omo njilinga ngwe nji cilema kamandondo. Mukemwo vene njitolilileni!

2 Kolinte 2:12

Omo njetele mu Tolowasi nakwambulula lijwi lya Kilistu, njawanene Mwene nanjishokolwela cikolo a vipangi vyendi kuje.

Ngalatiya 3:2

Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

1 Timateo 1:3

Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele.

1 Timateo 2:5

Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu,