2 Kolinte 11:3 - Livulu lya Shukulu Kalunga

³ Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

2 Kolinte 11:3 Iomraidhean Croise

Kushangumuka 3:1

Oloni linyoka wapwile wakunyanyama manene kutuvakana tusitu voshe vaje Shukulu Kalunga Njambi watangele, co wehwile munakazi ngwendi, “Kuma mwa vushunga vene Njambi namileka ngwendi kesi mulye ku vushuka vwa ku muti woshe-iwoshe wamuno mu lihya ndi?”

Kushangumuka 3:13

Shukulu Kalunga Njambi wehwile munakazi ngwendi, “Omwo vikajo walingi eci?” Co munakazi wamukumbulwile ngwendi, “Linyoka nanjikwisile ngeci njinalile.”

Kushangumuka 3:20

Andama walukile munakazi wendi lizina lyendi Eva, omwo ikeye wapwile cituta ca vanu voshe.

Kushangumuka 3:4

Oloni linyoka wamukumbulwile ngwendi, “Omo kesi mwa vushunga, kumukatsi embwe!

Myaso 119:53

Njikaluvala manene omo njimona vaka-vuvi kuvononoka mashiko ove,

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 11:29

Ngecivene, nga umo nazeye, co nange lalo njinazeye, nga umo nawila mu vuvi, nange lalo njiziva kuvavala ku mbunge.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 3:1

Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

Ngalatiya 4:11

Njilinakulishoshomwena ali yeni! Kuma vipangi vyange vyoshe vinapu vyangoco ali yeni ndi?

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 6:24

Kutetela kwa Njambi kukale na voshe vaje vazema Mwene yetu Yesu Kilistu na cizemo ca ku myaka yoshe.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

Kolose 2:4

Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

1 Tesalonika 3:5

Eci cikeco cinjatuminine Timateo. Omwo kunjasele kutwalao lalo, ngecivene, njamutumine akumone vati kukulaela kweni mucinafu. Mwa vushunga vene kucapwile ngeci Liyavola namyeseka, co vipangi vyetu vyoshe vinai mwangoco!

1 Timateo 1:3

Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele.

1 Timateo 2:14

Co kesi Andama uje vakwisile embwe, oloni munakazi ikeye vakwisile, co wapokwele lishiko lya Njambi.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

Tito 1:10

Omwo kuvali vavangi vaka-kuumukwa na vaka-kulwisa vakwavo na vyuma vyavo vyangoco, manene vaje vaka-futisi ya vaYunda.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

2 Petulu 3:17

Oloni yeni, vasamba vange, mwavizivuka laja evi. Ngecivene, nyanyameni kutewa musevuka, co vanu vakujeneka mashiko vakamyungumuna, co mukawa kukukolesa kweni.

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 12:15

Uje canza-ngombe washanjele mema akutunda mu kanwa kendi ngwe livazi lya ndonga kukava uje munakazi, ngeci livazi lya mema aje likakupule uje munakazi.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.