2 Kolinte 11:25 - Livulu lya Shukulu Kalunga

²⁵ visimbu vitatu vanjipupile kuli vaLoma, co lumo lwakunjasha mamanya. Njakele visimbu vitatu mu vwato omo vwavombelele mu mema, co lalo njakele visimbu makumi avali na awana mu mema.

2 Kolinte 11:25 Iomraidhean Croise

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Vilinga vya Miluwa 14:19

Oloni vaYunda vamo vatundile ku Antyoke mu Pisindiya na ku Ikoniyame vashongangeyeye vimbunga, co vashele mamanya Paulu nakumukokela anja ya nganda, vayongwele ngwavo natsi.

Vilinga vya Miluwa 14:5

Asinoni vaje kesi vaYunda na vaYunda vamo amo na vantwama vavo, vayongwele kuyandesa miluwa nakuvasha mamanya.

Vilinga vya Miluwa 16:33

Co a simbu ije vene ya vutsiki uje muka-kunyunga kamenga waile navo, co wakushile a vimbandu vyavo, co aje vene ikeye na naanga yendi voshe vavambwitikile.

Vilinga vya Miluwa 16:37

Oloni Paulu wendekele kuli vaje vantwama va mashwalale ngwendi, “Kuvatuwanene na mulonga naumo wai, oloni vanatupupile ku mesho a vanu, co yetu tu vandambo va lifuti lya Loma! Co vanatwakele mu kamenga. Co ololo vashaka kutwecelela mu vushweke ndi? Embwe kucitava! Vamyata va vaLoma vanapande kwija kuno vakutwecele vakevo vavenya ngeci tuye.”

Vilinga vya Miluwa 22:24

Co uje muka-kushika mashwalale washikile vanu vendi ngeci vatwale Paulu ku vinjuvo vyakunyungila, co wavalekele ngeci vamupupe nakuwana omwo vikajo vaYunda vakele nakutambeka mukumulwisa.

1 Timateo 1:19

co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo.

VaHevelu 11:37

Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.