2 Kolinte 11:23 - Livulu lya Shukulu Kalunga

²³ Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

2 Kolinte 11:23 Iomraidhean Croise

Njelemiya 36:5

Asinoni njalekele Mbaluke ngwange, “Yange kuvakanjitavesa lalo kukovela mu Njuvo ya Shukulu Kalunga.

Vilinga vya Miluwa 14:19

Oloni vaYunda vamo vatundile ku Antyoke mu Pisindiya na ku Ikoniyame vashongangeyeye vimbunga, co vashele mamanya Paulu nakumukokela anja ya nganda, vayongwele ngwavo natsi.

Vilinga vya Miluwa 20:23

Njazivuka lika ngwange mu nganda mwoshe Munzinzime Wakujela nanjinangula ngwendi kamenga na vukalu vinanjivandamena.

Vilinga vya Miluwa 21:11

Co ikeye wezile kuli yetu, wanonele mwiva wa Paulu, waukutile ku mendi endi na ku mavoko endi wendekele ngwendi, “Eci cikeco canendeka Munzinzime Wakujela ngwendi, ou vavenya mwiva vakamukuta vaYunda mu Yelusalema mu cifwa eci, co vakamwana ku mavoko a vaje kesi vaYunda.”

Vilinga vya Miluwa 25:14

Co omo vakele kuje matangwa amo, Fesitase walekele mwene n̄anda ya Paulu ngwendi, “Kuli munalume umo yasezele Felikisi mu kamenga,

Vilinga vya Miluwa 27:1

Co omo vaciyongwele ngwavo tunapande kuya mu vwato ku Itali, vaanene Paulu na vamo vinzinda ku mavoko a Njulyasi mukulunu wa mbunga ya mashwalale va vaLoma ije vatumbwile ngwavo “Mashwalale va Nguvulu.”

Vilinga vya Miluwa 28:16

Co omo twetele mu Loma, Paulu vamutavesele kukala mwendi lika amo na lishwalale muka-kumunyunga.

Vilinga vya Miluwa 28:30

Co Paulu wakele kuje myaka ivali mu njuvo yakulifwetela ikeye vavenya, co watambwile voshe vaje vezile kuli ikeye nakumumona.

Vilinga vya Miluwa 9:16

Omwo yange njikamuleka vyoshe vije vyanapande kuyanda omwo lizina lyange.”

Loma 8:36

Ngwe muvyendeka visoneka ngwavyo, “Omwo lizina lyove tuli mu vushonde vwa kutsa simbu yoshe, valinakutupwisa ngwe vimanga vaje valinakuya nakuvatsiya.”

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

1 Kolinte 4:11

A simbu ino vene, tuli na njala na lihwila, tunazala vyakutavozoka, valinakutupupa, twendangana kutunda ku mutambela umo nakuya ku mutambela ukwavo,

1 Kolinte 4:9

Omwo njamono ngeci Njambi naana mwela wakumanesela kuli yetu miluwa, ngwe vanu vaje vavanasompela kutsa ku mesho a voshe, ngwe kalikengelo ka kaye koshe ka tungelo na vanu.

2 Kolinte 10:7

Yeni mulinakumona vyuma ngwe muvinafu ku mutambela wa anja. Kuma kuli munu umo alinakulimona vavenya ngwendi nakundama kuli Kilistu ndi? Eyo, mweseleni aliyongole vavenya lalo, omwo netu lalo tunapu vanu va Kilistu ngwe muje mwanafu ikeye.

2 Kolinte 11:5

Kunjayongwele ngwange yange njapwa wamundondo kuli vaje vakama vamutumbula ngweni “miluwa.”

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 4:11

Nambe mukuyoya kwetu simbu yoshe twakala mu vushonde vwa kutsa omwo Yesu, ngeci mwonyo wendi lalo ukasholoke mu mivila yetu ya kutsa.

2 Kolinte 6:9

ngwe vanu kuvatuzivuka, kuma voshe vatuzivuka, ngwe tunatsi vene, oloni, tulinakuyoya. Nambe valinakutunyanyamesa, oloni kuvasa kututsiya,

Ngalatiya 6:17

Mukumanesela ngwange, kesi kukale umo anjane vukalu, omwo viveve vinjilinavyo a muvila wange vimwesa ngeci yange nji ndungo ya Yesu.

Efeso 3:1

Omwo a cuma eci, yange Paulu, cinzinda ca Yesu Kilistu njilomba kuli Njambi omwo ali yeni kesi vaYunda.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Efeso 6:20

Omwo a lizina lya lijwi eli yange njinapu nji muka-kwimanenako, nambe ololo njili mu kamenga. Lombeleni ngeci njisimpe mukwambulula muzimbu wauvwa ngwe munjinapande.

Filipu 1:13

A cuma eci, vaka-kunyunga lipela voshe na voshe veka lalo kuno vazivuka ngwavo yange njili mu kamenga omwo njapwa nji ngamba ya Kilistu.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

2 Timateo 1:16

Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga,

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

2 Timateo 2:9

Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge.

2 Timateo 3:11

na mapakeso ange na tuyando twange. Wavizivuka vyuma vyoshe vije vyalingiwile kuli yange mu Antyoke na mu Ikoniyame na mu Lisitala, mapakeso akukomokesa aje anjatambwile! Oloni Mwene wanjovwele ku vyoshe evi.

Filimoni 1:9

Oloni omwo cizemo cange kuli yove, njilinakukulambelela. Njilinakulinga evi nambe yange Paulu vene, katumwa wa Kilistu Yesu na simbu ino vene njinapu cinzinda cendi omwo lizina lyendi.

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.