2 Kolinte 11:22 - Livulu lya Shukulu Kalunga

²² Vakevo vanapu vaHevelu ndi? Co nange lalo munjinapu. Vanapu vaIsalele? Nange lalo munjinapu. Vanapu vaka-naanga ya Avilahama ndi? Nange lalo munjinapu.

2 Kolinte 11:22 Iomraidhean Croise

2 Mizimbu 20:7

Yove Njambi yetu, washekele vavenya lifuti lino kulutwe lwa vanu vove va Isalele nakulyana kuli vatekulwila va Avilahama musamba wove, ngeci vakalemo ku myaka yoshe.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 3:18

“Vanu vange vakatolilila evi ukendeka kuli vakevo. Co yove na vantwama va Isalele mukaya kuli mwene wa Ingito mukamuleka ngweni, ‘Shukulu Kalunga, Njambi ya vaHevelu, nalisholwele kuli yetu. Ololo tukulomba ngeci ututave tuye vungenzi vwa matangwa atatu mu mambo tukakombelele vin̄ombelo kuli Shukulu Kalunga Njambi yetu.’

Kutuuka 5:3

Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Kutuuka 7:16

Co endeka kuli mwene ngwove, ‘Shukulu Kalunga, Njambi ya vaHevelu, nanjitumu kuli yove njikuleke ngeci wecele vanu vendi vaye vakamulemese mu mambo. Oloni na ololo yove shove kuveca.

Kutuuka 9:1

Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga, Njambi ya vaHevelu nendeka ngwendi, ‘Ecela vanu vange vaye ngeci vakanjilemese.

Kutuuka 9:13

Asinoni Shukulu Kalunga wendekele kuli Mosesa ngwendi, “Meneka mutondo-tondo ukaliwane na mwene ukamuleke ngwove Shukulu Kalunga Njambi ya vaHevelu nendeka ngwendi, ‘Ecela vanu vange vaye, ngeci vakanjilemese.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Vilinga vya Miluwa 22:3

“Yange nji kaYunda, njasemukilile ku Talisi mu Silisha, oloni vanjilelelele muno mu Yelusalema, co njalilongesele kuli Ngamalyele. Njatambwile mwamuvwa vilongesa mu Mashiko a vakukulwila vetu, co njalikundikile kuli Njambi ngwe mumunafu yeni voshe mulikuno litangwa lya lelo.

Vilinga vya Miluwa 6:1

Munima yevi, omo vandongisi vakele nakupwa vavangi, kwakele vaYunda vaje vendekele ndaka ya ciNgiliki valingile vimata na vaYunda vaje vendekele ndaka ya ciHevelu. VaYunda vaje vendekele ndaka ya ciNgiliki vendekele ngwavo vifwile vavo kuvakele nakuvana vimbongo vya na litangwa na litangwa.

Loma 11:1

Njihula ngwange, kuma Njambi navyana vanu vendi ndi? Embwe kesi ngoco! Yange vene njapwa kaIsalele, mutekulwila wa Avilahama, njapwa wa ku muyati wa Mbenjemani.

Loma 9:4

Vanapu vanu va Njambi, navapwisa vana vendi nakuvasholwela vumpau vwendi, walingile vikumiiyo navo nakuvana Lishiko, vakalemesa mwa vushunga, vanatambula vikulaeso vya Njambi,

Ngalatiya 3:16

Ololo, Njambi nalingi cikulaeso cendi kuli Avilahama na ku naanga yendi. Visoneka kuvyendekele ngwavyo “Vinaanga,” kulumbununa vanu vavangi, oloni ngwavyo “naanga,” kulumbununa munu umolika, ikeye Kilistu.

Filipu 3:5

Vanjituwile a litangwa lyamucitanu na atatu. Ku cisemwa cange yange njapwa nji kaIsalele, wa ku muyati wa Mbenjemani, ku maninga nji kaHevelu mpundu. Ngecivene, akunyunga Lishiko lya vaYunda, njapwa nji kaFaliseo,