2 Kolinte 11:13 - Livulu lya Shukulu Kalunga

¹³ Vanu ava kuvapwile miluwa va vushunga embwe, vendeka makuli a vipangi vyavo, co vemuka mweka ngeci vasholoke ngwe miluwa va Kilistu vavavwa.

2 Kolinte 11:13 Iomraidhean Croise

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Mateo 25:24

Asinoni uje ngamba watambwile vimbongo vyakupwa 1,000 nendi wezile, wendekele ngwendi, ‘Shukulu, njakuzivukile ngwange wapwa u munu wamukalu manene, ukateje kuje kuwakuvile, co ukongulula kuje kuwashandwelele.

Vilinga vya Miluwa 15:1

Oloni vanalume vamo vatundile ku Yundeya vaile ku Antyoke vashangumukile kulongesa vaka-kukulaela ngwavo, “Kumwasa kwovoka kuvanga mutuuke ngwe ku Lishiko lya Mosesa.”

Vilinga vya Miluwa 15:24

Tunazivi ngwavo vamo vanalume va ku mbunga yetu vanaija nakumipesa nakumitanganesa na vije vanendeka, vakevo kuvatambwile vilongesa vyakutunda kuli yetu embwe.

Vilinga vya Miluwa 20:30

Co simbu ikaija omo vamo vanalume va mu mbunga yeni vakendeka makuli mukuungumuna vaka-kukulaela ngeci vavakave.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

2 Kolinte 11:15

Ngecivene, eci kesi cikeco cuma cakukomokesa nga vangamba va Liyavola valisholola vakevo vavenya ngwe vangamba va vushunga. Oloni akukotoka vakatambula fweto yavo ngwe ku vilinga vyavo.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

Ngalatiya 1:7

Mwa vushunga, kukwesi “muzimbu weka,” oloni njilinakwendeka ngeci omwo kuli vamo vanu valinakumitanganesa vashaka kutengulula muzimbu wa Kilistu.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 4:17

Ovo vanu veka vamwesa sholovya yakama muli yeni, oloni viyongola vyavo kesi vyavivwa embwe. Eci vashaka lika cinapu kumyangununa vamitundise kuli yange, ngeci yeni mukakale na sholovya imolika muli vakevo ngwe vakevo valinayo muli yeni.

Ngalatiya 6:12

Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Filipu 3:18

Njamilekele laja visimbu vyavingi kunima cuma eci, co ololo njilinakwilukilamo lalo nakulila na misozi, kuvali vavangi vaje kuyoya kwavo cinavemukisa kupwa vitozi va kutsa kwa Kilistu a cilindakano.

Filipu 3:2

Nyanyameni kuli vaje valinakulinga vyuma vyavivi, vaje tutali, vanu vaje vakala na futisi yakulilengozola a mivila yavo.

Kolose 2:4

Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 2:2

Njinazivuka vije viwunalingi, njinazivuka kuundangana kwove nakusimpa kwove. Njinazivuka ngwange kuwasa kuundangana amo na vaka-kulinga vyavivi embwe, co lalo unelula vaje vaka-kwendeka ngwavo vanapu miluwa oloni kesi vakevo embwe, co vanasholoka ngeci kuma vanapu vaka-makuli.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!