2 Kolinte 11:10 - Livulu lya Shukulu Kalunga

¹⁰ A vushunga vwa Kilistu vuje vuli muli yange, njimikulaesa ngwange kulishasha kwange oku kuvakasa kucolwesa mu lifuti lya Akaya.

2 Kolinte 11:10 Iomraidhean Croise

Vilinga vya Miluwa 18:12

Oloni omo Ngaliyo wapwile nguvulu wa vaLoma mu Akaya, vaYunda valikungulwile amo vakwatele Paulu nakumutwala ku mbanja yakusompela.

Vilinga vya Miluwa 18:27

Apolo wayongwele kuya ku Akaya, ngecivene, vaka-kukulaela va mu Efeso vamukwasele mukusonekela vaka-kukulaela va mu Akaya nakuvalomba ngeci vamutambule mwamuvwa. Omo wetele kuje, wapwile muka-kukwasa manene vaje vapwile vaka-kukulaela ngwe ku kutetela kwa Njambi.

Loma 1:9

Omwo Njambi ikeye mukaleo wange ngeci vyoshe vije njendeka vinapu vya vushunga, Njambi uje injilinakupangela na mbunge yange yoshe akwambulula Vin̄anda Vyavivwa vya Munendi. Njambi nazivuka ngeci njikamyanuka

Loma 16:5

Viindu lalo ku cikungulukilo ca vaje vakakungulukila mu njuvo yavo. Viindu kuli musamba wange Epaenetase, uje wapwile munalume wakulivanga kukulaela kuli Kilistu mu lifuti lya Asiya.

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

1 Kolinte 16:15

Munazivuka Setefanase na naanga yendi, vakevo vaka-Yesu vakulivanga kutenguluka mu Akaya, co vanalyana vakevo vavenya kupangela vanu va Njambi. Njimilambelela, vavusamba vange,

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

2 Kolinte 1:23

Njitumbula Njambi kupwa mukaleo wange, azivuka mbunge yange! Mu ngila yakumitetela njayongwele ngeci kesi njiye ku Kolinte.

2 Kolinte 10:15

Ngecivene, kutwasa kulyalesa a vipangi vya veka vije vivanalingi nakutuvakana seteko ije yanatwimikila Njambi. Oloni tuli na cinyangavili ngeci kukulaela kweni cikakula, co ngeci tukase kupanga vipangi vyakama manene akati keni, oloni simbu yoshe tulinakupanga mu seteko eyi yanatwimikila Njambi.

2 Kolinte 11:12

Njitwalelelao kulinga vije njilinakulinga ololo,ngeci njivindike “miluwa” veka vaje valinakulishashela a vyuma vyoshe nakwendeka ngwavo vakevo vipangi vyavo vinapu vya cifwa cimo ngwe vije tulinakupanga yetu.

2 Kolinte 11:31

Njambi na Ishe ya Mwene Yesu, lizina lyendi lipwe lyakuvezika ku myaka yoshe, azivuka ngeci kunjesi nakwendeka makuli.

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

Ngalatiya 1:20

Evi vinjinasoneka vinapu vya vushunga. Njambi azivuka ngeci kunjendeka makuli!

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Tesalonika 2:5

Omwo mwazivuka mwamuvwa ngweni kutwezile kuli yeni mukwendeka vyakuseveleka, nambe kwendeka majwi akumifwikafwika a mbunge ya cipululu, Njambi ikeye mukaleo wetu!

1 Timateo 2:7

omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!