2 Kolinte 10:7 - Livulu lya Shukulu Kalunga

⁷ Yeni mulinakumona vyuma ngwe muvinafu ku mutambela wa anja. Kuma kuli munu umo alinakulimona vavenya ngwendi nakundama kuli Kilistu ndi? Eyo, mweseleni aliyongole vavenya lalo, omwo netu lalo tunapu vanu va Kilistu ngwe muje mwanafu ikeye.

2 Kolinte 10:7 Iomraidhean Croise

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Yowano 7:24

Kesi musompele vulemu, oloni sompeni mu vushunga.”

1 Kolinte 1:12

Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 14:37

Nga umo ayongola ngwendi napu muluwa wa Njambi, nambe ali na vwana vwa munzinzime, napande kunanguka ngeci evi njilinakumisonekela vinapu lishiko lya Mwene.

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 3:23

co yeni munakundama kuli Kilistu, co Kilistu nakundama kuli Njambi.

1 Kolinte 9:1

Kuma kesi nji munu wakupatuka ndi? Kuma kesi nji muluwa ndi? Kuma kunjamwene Yesu Mwene yetu ndi? Kuma yeni kesi munapu vipangi vyange muli Mwene ndi?

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 11:18

Oloni omwo kuvali vavangi vaje vakakulishasha ngoco a vyuma vya vunu, nange lalo njilishasha.

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 13:3

Mushaka cizivukiso ca Kilistu uje alinakwendeka muli yange. Uje kekuzeya akati ketu, oloni napu muka-nzili.

2 Kolinte 5:12

Kesi ngwe tulinakweseka kulyalesa yetu vavenya embwe, oloni tulinakweseka kumyana ngila imo yaivwa ngeci mukalyalesele ali yetu, ngecivene, mukasa kukumbulula kuli voshe vaje vakalishasha akusholoka kwa cifwa ca munu, oloni kesi a vilinga vyendi vavenya.

Ngalatiya 3:29

Co nga munakundama kuli Kilistu, ngecivene, yeni munapu vatekulwila va Avilahama, co mukatambula vije vyakulaesele Njambi.

1 Yowano 4:6

Oloni yetu tunakundama kuli Njambi. Woshe uje azivuka Njambi atolilila kuli yetu, woshe uje kakundamene kuli Njambi kasa kutolilila kuli yetu. Ngecivene, omu mukemwo twasa kwangula akati ka Munzinzime wa vushunga na munzinzime wa makuli.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”