2 Kolinte 10:11 - Livulu lya Shukulu Kalunga

¹¹ Munu wa cifwa cangacije napande kuzivuka ngwendi kukwesi kulitepesa akati ka vyuma vya mu mikanda yetu omo tulikulyala na vije vene tukalingi omo tuli amo neni.

2 Kolinte 10:11 Iomraidhean Croise

2 Kolinte 10:10

Omwo umo endeka ngwendi, “Mikanda ya Paulu yaikalu, ya nzili, oloni omo ali netu napu wakuzeya na vyendeka vyendi vyangoco!”

2 Kolinte 10:12

Mwa vushunga vene kesi ngwe tulyeseka yetu vavenya nambe kulipwisa yetu vavenya na vamo vaje valinakulyamesa vakevo vavenya nakulyaka ku vukama. Vakevo vapwa vikolokomba! Vakevo valyeseka akati kavo vavenya ngwe kuseteko ya vukama vwavo vavenya a vyuma evi, co valyeseka akati kavo vavenya, vakevo kuvesi na mana!

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.