2 Kolinte 1:4 - Livulu lya Shukulu Kalunga

⁴ Ikeye muka-kutuzembeleka mu tuyando twetu twoshe, ngeci netu twase kuzembeleka vaje vali mu tuyando twakuliseza-seza, nakuzembeleka kuje kwatuzembelekele nakwo Njambi.

2 Kolinte 1:4 Iomraidhean Croise

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 32:7

Yove unapu cishwamo cange, ukanjamena ku tuyando, njikaimba nakutambeka akwamena kwove, omwo yove ukanjinyungu.

Myaso 66:16

Yeni voshe vaka-kusingimika Njambi, ijeni, co tolilileni, ijeni njakumileke vije vyananjilingila.

Myaso 86:17

Njimwese vuvwa vwove Shukulu Kalunga, ngeci vaje vanjizinda vakazive shwamwa, omo vamona ngeci yove unanjikwasa nakunjizembeleka.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Yowano 14:16

Co njikalomba kuli Tate, co akamyana Mukwasi weka, uje akakala neni ku myaka yoshe.

Yowano 14:18

“Omo njiya kunjikamiseza enilika ngwe visiwa embwe, njikaija kuli yeni.

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

2 Kolinte 7:13

Eci cikeco catutakamesele manene. Kesi ngwe akututakamesa lika embwe, oloni Tito watuvwaelelesele manene nakuvwaelela kwendi a vyuma vije vyalingiwile ali ikeye vije yeni voshe mwamukwasele ngeci avwaelele.

2 Kolinte 7:4

Mwa vushunga njinasimpi manene ali yeni, co lalo njilinakujolela ali yeni! Mu tuyando twetu twoshe njinashulu nevi vyakunjizembeleka, njishulu nakujolela.

Filipu 1:14

Co kukala kwange mu kamenga cinakwasa manene vaka-kukulaela kukulaela manene muli Mwene, ngeci vapwe vaka-kusimpa simbu yoshe mukwambulula lijwi kujeneka lyova.

1 Tesalonika 4:18

Ngecivene, litakameseni umo na mukwavo na majwi awa.

1 Tesalonika 5:11

Ngecivene, litakameseni umo na mukwavo nakulikwasa umo na mukwavo, ngwe muje mumuli nakulinga ololo.

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!