2 Kolinte 1:24 - Livulu lya Shukulu Kalunga

²⁴ Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.

2 Kolinte 1:24 Iomraidhean Croise

Mateo 24:49

co ashangumuka kupupanga vakwavo vangamba, co alya nakunwa amo na vaka-kupenda.

Loma 1:12

Njendeka ngeci neni nange twakulitakamese a simbu imolika, yeni akukulaela kwange nange akukulaela kweni.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

1 Kolinte 15:1

Co ololo njishaka kumyanukisa, vavusamba vange, a Vin̄anda Vyavivwa vije njambulwile kuli yeni, vije mwatambwile, a vikevyo kukulaela kweni kunemanao mbe.

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

2 Kolinte 5:7

Omwo mwonyo wetu uli akukulaela lika, kesi wakumona na mesho embwe.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.