2 Kolinte 1:23 - Livulu lya Shukulu Kalunga

²³ Njitumbula Njambi kupwa mukaleo wange, azivuka mbunge yange! Mu ngila yakumitetela njayongwele ngeci kesi njiye ku Kolinte.

2 Kolinte 1:23 Iomraidhean Croise

Vilinga vya Miluwa 18:1

Munima ya vyuma evi, Paulu watundile mu Atena waile ku Kolinte.

Vilinga vya Miluwa 18:8

Co Kilisipase uje wapwile ntwama wa sinangonge wakulaelele kuli Mwene, amolika na naanga yendi, co na vanu vavangi va mu Kolinte vazivile lijwi, vakulaelele, co vavambwitikile.

Loma 1:9

Omwo Njambi ikeye mukaleo wange ngeci vyoshe vije njendeka vinapu vya vushunga, Njambi uje injilinakupangela na mbunge yange yoshe akwambulula Vin̄anda Vyavivwa vya Munendi. Njambi nazivuka ngeci njikamyanuka

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

1 Kolinte 4:21

Vikajo mushaka? Mushaka njiije kuli yeni na likote, indi na mbunge ya cizemo na kulikeesa?

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

2 Kolinte 1:18

Oloni Njambi wapwa muka-vushunga, majwi etu kuli yeni kuwapwile, “Eyo” nambe “Embwe.”

2 Kolinte 10:2

kesi munjisindiye kupwa wamukalu omo njiija, omwo mwa vushunga vene njasa kupwa wamukalu na vaje vendeka ngeci tulinakupanga ngwe na futisi ya kano kaye.

2 Kolinte 11:10

A vushunga vwa Kilistu vuje vuli muli yange, njimikulaesa ngwange kulishasha kwange oku kuvakasa kucolwesa mu lifuti lya Akaya.

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 11:31

Njambi na Ishe ya Mwene Yesu, lizina lyendi lipwe lyakuvezika ku myaka yoshe, azivuka ngeci kunjesi nakwendeka makuli.

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.

2 Kolinte 13:2

Njishaka kwendeka kuli vaje veni vanalingi vuvi simbu ya kunima na kuli voshe veka lalo, njendekele laja, a vungenzi vwange vwamucivali vwakwija kuli yeni, oloni njicilukilamo lalo omo njili kuno, omo njikaija simbu ikwavo lalo naumo wai akaputumuka kunyanyamesa.

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

Ngalatiya 1:20

Evi vinjinasoneka vinapu vya vushunga. Njambi azivuka ngeci kunjendeka makuli!

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

1 Tesalonika 2:5

Omwo mwazivuka mwamuvwa ngweni kutwezile kuli yeni mukwendeka vyakuseveleka, nambe kwendeka majwi akumifwikafwika a mbunge ya cipululu, Njambi ikeye mukaleo wetu!

1 Timateo 1:20

Akati kavo kuli Haimenease na Elekizanda, vaje njinanyanyamesa akuvakundika ku nzili ya Satana, eci cikavalongesa ngeci valikele kushaula Njambi.