2 Kolinte 1:21 - Livulu lya Shukulu Kalunga

²¹ Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

2 Kolinte 1:21 Iomraidhean Croise

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 87:5

Mwa vushunga vakendeka ali Siyone ngwavo, miyati yoshe vatunda muje, co Shukulu Kalunga Muka-nzili yoshe akaikolesa.

Myaso 89:4

‘Umo wa vatekulwila vove akapwa mwene, co njikakolesa vumwene vwove simbu yoshe.’ ”

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

VaLevi 7:35

Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela.

Hambakuke 2:12

Munavindama! Yeni mwajalele luvula lwa nganda na vilinga vya muuka, nakuyitunga na vilinga vyakutsiya vanu.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

2 Kolinte 5:5

Njambi ikeye natuvwaesela kwimuka oku, co natwana Munzinzime wendi ngwe cishimbikiya ca vyoshe vije natutulikila.

Kolose 2:7

Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

2 Tesalonika 2:17

amitakamesa nakumikolesa mukulinga nakwendeka vije vinapu vyavivwa simbu yoshe.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.