2 Kolinte 1:20 - Livulu lya Shukulu Kalunga

²⁰ omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi.

2 Kolinte 1:20 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 102:16

Omo Shukulu Kalunga akatungulula Siyone, co vumpau vwendi vukasholoka.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

1 Kolinte 14:16

Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 3:22

Oloni visoneka vyendeka ngwavyo kaye koshe kali mwisi ya nzili ya vuvi, co vwana vwa cikulaeso vwa kukulaela muli Yesu Kilistu vanavwana kuli vaje vakulaela.

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 13:8

Yesu Kilistu ikeye umolika na izau na lelo na ku myaka yoshe.

VaHevelu 7:6

Melekizendeke kapwile wakutunda ku naanga ya vaLevi embwe, oloni ikeye watambwile cavulikumi kuli Avilahama, co wavezikisile uje watambwile cikulaeso ca Njambi.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Yowano 5:11

Ngecivene, ovu vukevwo vukaleo, Njambi natwana mwonyo wa myaka yoshe, co mwonyo ou uli muli Munendi.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 7:12

vendekele ngwavo, “Ewa! Kushangazala na vumpau na mana nakukandelela na kasingimiko na nzili na vukama vyapwa vya Njambi yetu ku myaka yoshe! Ewa!”