2 Kolinte 1:19 - Livulu lya Shukulu Kalunga

¹⁹ Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

2 Kolinte 1:19 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 24:35

Lilu na asi vikaita, oloni majwi ange kuwakaiti embwe.

Mateo 27:40

co vendekele ngwavo, “Yove wendekele ngwove ukasiwula Njuvo ya Shukulu Kalunga, co ukaitunga lalo a matangwa atatu! Lyamene yove vavenya nga u muna Njambi! Shuluka a cilindakano!”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mateo 4:3

Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Mako 1:1

Evi vikevyo Vin̄anda Vyavivwa vya ali Yesu Kilistu, Muna Njambi.

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 19:7

Mbunga vamukumbulwile ngwavo, “Tuli na lishiko lije lyendeka ngeci napande vene kutsa, omwo nalipwisa ikeye vavenya Muna Njambi.”

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Vilinga vya Miluwa 15:22

Asinoni miluwa na vakulunu, amo na cikungulukilo coshe vayongwele kwangula vamo vanalume mu munga yavo ngeci vavatume ku Antyoke amo na Paulu na Mbanambase. Vaangwile vanalume vavali vaje vavasingimikile manene vaka-kukulaela, Yundasa ivasanene Mbalasambasa na Silasi,

Vilinga vya Miluwa 16:1

Co Paulu wetele lalo ku Ndembe na ku Lisitala, kuje kwakele Muka-Yesu umo lizina lyendi Timateo. Vaina vapwile lalo Muka-Yesu vapwile kaYunda, oloni ishe wapwile kaNgiliki.

Vilinga vya Miluwa 18:5

Omo Silasi na Timateo vetele kutunda ku Masendoniya, Paulu simbu yendi yoshe walyanene ku cipangi kwambulula muzimbu nakwana vukaleo kuli vaYunda ngeci Yesu ikeye Wakuvwavesa.

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

1 Tesalonika 1:1

Mukanda wakutunda kuli yange Paulu na Silasi na Timateo. Kuli vanu va cikungulukilo ca mu Tesalonika, vaje vanakundama kuli Njambi Tate na Mwene Yesu Kilistu. Kutetela na kwoloka vikale neni.

2 Tesalonika 1:1

Mukanda wakutunda kuli Paulu na Silase na Timateo. Kuli vanu va ku cikungulukilo ca mu Tesalonika, vaje vanakundama kuli Njambi Tatetu na Mwene Yesu Kilistu.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

VaHevelu 1:11

Vikevyo vyoshe vikaita, oloni yove ukakala, vikevyo vyoshe vikakuluvala ngwe vuzalo vwalaja.

VaHevelu 13:8

Yesu Kilistu ikeye umolika na izau na lelo na ku myaka yoshe.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

2 Petulu 1:17

Netu kutwakele omo vamwanene kasingimiko na vumpau kuli Ishe Njambi, omo lijwi lyezile kuli Ikeye lyakutunda kuli uje Mutwe wa Vumpau ngwalyo, “Ou ikeye Munange injazema, muli ikeye njilinakuvwaelela.”

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.