2 Kolinte 1:14 - Livulu lya Shukulu Kalunga

¹⁴ ngeci a Litangwa lya Mwene yetu Yesu ngeci yeni netu tukalyalesele ali umo na mukwavo.

2 Kolinte 1:14 Iomraidhean Croise

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

1 Kolinte 11:18

Omwo akulivanga, vananjileka ngwavo mu vikungulukilo vyeni muli vimunga vyakulitepa-tepa, co njakulaela eci cinapu ca vushunga vene.

1 Kolinte 15:31

Vavusamba vange, njilinakukengelela kutsa a litangwa na litangwa! Kulyalesa kwange muli yeni, mu mwonyo wetu amo na Kilistu Yesu Mwene yetu, cinjilingisa kwambulula evi.

2 Kolinte 2:5

Oloni nga umo nazivisa mukwavo vusiwa, kesi nacilingi kuli yange lika, oloni na kuli yeni lalo, njinendeka ngeci omwo kunjashakele ngeci njipwe wamukalu kuli yeni.

2 Kolinte 5:12

Kesi ngwe tulinakweseka kulyalesa yetu vavenya embwe, oloni tulinakweseka kumyana ngila imo yaivwa ngeci mukalyalesele ali yetu, ngecivene, mukasa kukumbulula kuli voshe vaje vakalishasha akusholoka kwa cifwa ca munu, oloni kesi a vilinga vyendi vavenya.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

Filipu 1:10

ngeci mwase kwangula vyavivwa. Asinoni mukapwe vaka-kupatuka ku mazilo oshe nakujeneka mulonga Litangwa lya Kilistu.

Filipu 1:26

ngeci omo njili neni lalo, mukakala naa mukasa kulyaleselao ali yange mu mwonyo weni muli Kilistu Yesu.

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

Filipu 2:16

omo muvambulwila lijwi lya mwonyo. Nga mulinga ngacije, njikakala na cuma cakulyalesela ali yeni a Litangwa lya Kilistu, omwo eci cikasholoka ngeci nzili yange yoshe na vipangi vyange kuvyaile mwangoco embwe.

Filipu 4:1

Ngecivene, vasamba vange, vanjazema manene, njinamizivila vulika vwakama manene! Mukanjivwaelelesa manene, co njikalyalesela manene ali yeni lalo! Vasamba vange vanjazema, omu mukemwo mumunapande kwimana mbe mu mwonyo weni muli Mwene.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.