2 Kolinte 1:13 - Livulu lya Shukulu Kalunga

¹³ Tumisonekela lika vije mwasa kulava nakuzivisisa. Oloni nameme mutuzivisisa lika kamandondo, njayongola ngwange mwasa kutuzivisisa mwamuvwa,

2 Kolinte 1:13 Iomraidhean Croise

Vilinga vya Miluwa 27:39

Co omo kwakile, vaka-kujavula vamwene oloni kuvazivukile kuje kuvakele, oloni vamwene cinkonde cimo cakele na lishen̄avu, co vayongwele ngwavo nga citava, vanapande vakatutike vwato kuje ku lishen̄avu.

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

2 Kolinte 13:6

Njakulaela ngwange mwazivuka ngeci kesi tu vaka-kwonwa embwe.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

Filimoni 1:6

co njilombela ngwange kulitombola kwetu amo neni akupwa vaka-kukulaela kukanena kuzivisisa kwa vivezikiso vyoshe vije tulinavyo mu mwonyo wetu muli Kilistu.