2 Kolinte 1:12 - Livulu lya Shukulu Kalunga

¹² Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 1:12 Iomraidhean Croise

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Isaya 38:3

“Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Vilinga vya Miluwa 23:1

Paulu wakengele shwii ali ije Munga, co wendekele ngwendi, “Vavushoko vwange vaIsalele! Viyongola vyange vinapu vya vushunga a ngila ije injinayoyo nayo ku mesho a Njambi nakweta ku litangwa lya lelo.”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Loma 9:1

Njilinakwendeka vushunga muli Kilistu, co kunjesi nakwendeka makuli embwe. Citaku-taku cange lalo cilinakwambulula amo nange ali Munzinzime Wakujela,

1 Kolinte 1:17

Omo Kilistu kanjitumine mukumbwitika. Oloni wanjitumine mukwambulula Vin̄anda Vyavivwa, nakuvyambulula kujeneka kupangesa endekesi ya mana a vanu, kutewa cilindakano ca Kilistu cipwa cangoco.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 2:13

Ngecivene, kutwendeka na majwi a vilongesa vya mana a vanu, oloni na majwi aje atulongesa Munzinzime, omo tulumbununa vushunga vwa munzinzime kuli vaje vali na Munzinzime.

1 Kolinte 4:4

Citaku-taku cange cinapu cakulumbunuka, oloni kucimwesa ngeci njinapu wakujeneka mulonga. Mwene ikeye anjisompa.

1 Kolinte 5:8

Ngecivene, tulisambeni ciwano cetu, kesi na likende lili na musima walaja wa vuvi na kupenga-penga embwe, oloni na likende lije kulyesi na musima, likende lyakujela na vushunga.

2 Kolinte 1:17

Omo njayongwele kulinga ngeci, kuma njakele na vimbunge vivali ndi? Nambe vije vinjiyongola kuma njiyongola vya vusitu ngeci njendeka ngwange, “Eyo, eyo,” nambe “Embwe, embwe” a simbu imolika ndi?

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 8:8

Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

Ngalatiya 6:4

Co umo na umo asompe futisi yendi vavenya. Nga ikeyo inapu yaivwa, asinoni alyalese a vije vyanalingi, kujeneka kuviseteka na vije vyanalingi munu weka.

Efeso 6:14

Ngecivene, livwaeseleni cimweja, na vushunga munalizitikavwo ngwe mwiva mu vimbunda vyeni na kulongwa ngwe ntelo a vinulo vyeni,

Filipu 1:10

ngeci mwase kwangula vyavivwa. Asinoni mukapwe vaka-kupatuka ku mazilo oshe nakujeneka mulonga Litangwa lya Kilistu.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,