1 Yowano 5:3 - Livulu lya Shukulu Kalunga

³ Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,

1 Yowano 5:3 Iomraidhean Croise

2 Vimyene 18:6

Ikeye wakulaelele kuli Shukulu Kalunga, co wamwononokele, oloni wanyungile mashiko oshe aje Shukulu Kalunga waashikile ali Mosesa.

Myaso 119:140

Mwa vushunga vene vikulaeso vyove, vanavyeseka mwamuvwa, ngecivene, yange ngamba yove njivizema.

Myaso 119:45

Njikayoya mukupatuka, omwo njinononoka vilongesa vyove.

Kutuuka 20:6

Oloni njikamwesa cizemo cange cije kucesi kutenguluka ku visemwa vyakupwa 1,000 vya vaje vanjizema nakunyunga mashiko ange.

Visimo 3:17

Akeo akuvwaelelesa mukuyoya kwove, co lalo akutwamenena mu kwoloka.

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mateo 23:4

Vakakutu vitele vyakulema nakuvitwika a vitsili vya vanu, oloni vakevo vavenya kuvesi kujundulako nambe na mulavo umo mukukwasa vaje vajundula vije vitele.

Yowano 14:15

“Nga munjizema, mukononoka mashiko ange.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 15:14

Yeni munapu vasamba vange nga mulinga evi njimishika.

Loma 7:12

Ngecivene, Lishiko likelyo lyapwa lyakujela, co nakushika kwapwa kwakujela na vushunga na vuvwa.

Loma 7:22

Omwo njivwaelela mu Lishiko lya Njambi mukati ka muvila wange.

Kwituluka mu Mashiko 5:10

Oloni njikamwesa cizemo cange cije kucesi kutenguluka ku visemwa 1,000 vya vaje vanjizema nakunyunga mashiko ange.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

1 Yowano 2:3

Nga twononoka mashiko a Njambi, co mwa vushunga vene tunamuzivuka.

2 Yowano 1:6

Cizemo eci njendeka cilumbunuka ngeci tunapande kuyoya mukwononoka kushika kwa Njambi. Kushika, ngwe yeni voshe mwaziva laja tunde akulivanga, kunapu ngeci, yeni voshe munapande kuyoya mu cizemo.