1 Yowano 5:20 - Livulu lya Shukulu Kalunga

²⁰ Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Yowano 5:20 Iomraidhean Croise

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Luka 24:45

Co washokolwele mana avo ngeci vazivuke Visoneka,

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 10:30

Tate nange twapwa umolika.”

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 15:4

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Yowano 17:14

Njavanene muzimbu wove, co vaka-kaye vavazindile, omwo vakevo kesi vaka-kaye, ngwe omo yange kesi nji muka-kaye.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 8:42

Yesu wendekele kuli vakevo ngwendi, “Nga mwa vushunga Njambi wapwa Ishweni, ngwe mwanjizeme, omwo yange njatundile kuli Njambi, ololo njili kuno. Kunjezile na nzili yange vavenya, oloni ikeye wanjitumine.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Efeso 3:18

ngeci ali yeni, amo lika na vanu va Njambi voshe, mukakale na nzili yakuzivuka mwamuvwa vukama na vulaja vwa asi na kutunuka na kulova mu mucinapu cizemo ca Kilistu.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.

1 Yowano 2:23

Omwo voshe vaje vavyana Mwana vavyana lalo Ishe, vaje vatambula Mwana vali na Ishe lalo.

1 Yowano 2:24

Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.

1 Yowano 4:2

Omu mukemwo mukazivuka ngweni kuma Munzinzime wa Njambi unafu vati, woshe uje atava ngwendi Yesu Kilistu wezile mu cisemwa ca vunu ikeye ali na Munzinzime wakutunda kuli Njambi.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:15

Ikeye atuziva simbu yoshe tulombela, co omwo twazivuka ngwetu eci cinapu ca vushunga, twazivuka lalo ngwetu ikeye atwana vyoshe vitumulomba.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.

1 Yowano 5:5

Iyajo asa kuhyana vya a kaye? Kuvanga uje lika nakulaela ngwendi Yesu ikeye Muna Njambi.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”