1 Yowano 5:16 - Livulu lya Shukulu Kalunga

¹⁶ Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.

1 Yowano 5:16 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Kutuuka 34:9

Ikeye wendekele ngwendi, “Shukulu Kalunga, nga mwa vushunga yove ulinakuvwaelela nange, njilomba ngeci uye amo netu. Nameme vanu ava vapwa vakukaluwa vimbunge, oloni tusambese kukukaluwa kwetu na ku vuvi vwetu, tutambule nakutupwisa vanu vove.”

Njelemiya 11:14

Njelemiya, kesi ulombele kuli yange nambe kunjilambelela ngeci njamene vanu ava omo vali mu tuyando, nameme valombela kuli yange ngeci njivakwase, oloni kunjikavatolilila.”

Njelemiya 14:11

Shukulu Kalunga wendekele kuli yange ngwendi, “Njelemiya, kesi ulombelele vanu ava ngeci vavezike embwe.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Kulava 12:13

Ngecivene, Mosesa walombelele kuli Shukulu Kalunga ngwendi, “Njakulombo yove Njambi ngwange umukangwise!”

Kulava 15:30

“Oloni munu woshe uje alinga vuvi na kapopolwezi, nambe kaIsalele, nambe muka-kwija, ali na mulonga wa kushaula Shukulu Kalunga, co vakamutsiye,

Luka 12:10

“Woshe uje endeka lijwi limo lyakushaula Muna Munu vakamusambesa, oloni uje endeka majwi amavi akushaula Munzinzime Wakujela kuvakamusambesa.

Yowano 17:9

“Njilinakuvalombelela. Kunjilombelela vaka-kaye oloni njilombelela vaje vawanjanene, omwo vapwa vove.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

1 Yowano 5:17

Vilinga vyoshe vyavivi vyapwa vuvi, oloni kuli vuvi vuje kuvwasa kutwala ku kutsa.

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.