1 Yowano 5:14 - Livulu lya Shukulu Kalunga

¹⁴ Tunasimpi ku mesho a Njambi, omwo tunazivuka ngwetu ikeye atuziva nga tumulomba cuma cimo ngwe ku cizango cendi.

1 Yowano 5:14 Iomraidhean Croise

1 Vimyene 3:12

co njikakulingila evi unalombo. Njikakwana mana nakuzivisisa kwakama kutuvakana vaje vakeleko akulivanga, nameme vaje vakaija munima yove.

Yombi 34:28

Vasindiiye tuutu kulilila kuli Njambi, co Njambi wazivile mutambi wavo wakuvakwasa.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 31:22

Njazivile lyova nakuyongola ngwange amo Shukulu Kalunga nanjumbila kuti. Oloni ikeye wazivile kulomba kwange, omo njatambekele ngeci anjikwase.

Myaso 34:17

Omo vaka-vushunga vatambeka, co Shukulu Kalunga avaziva, avamena ku tuyando twavo twoshe.

Myaso 69:33

Shukulu Kalunga akatolilila kulila kwa vaje vanajeneka, co kakevala vanu vendi vaje vali mu kamenga.

Visimo 10:24

Vaka-vushunga vakawana vivashaka, oloni vaka-vuvi vakawana vije vivajujwisa manene.

Visimo 15:29

Omo vaka-vushunga valombela, Shukulu Kalunga avatolilila, oloni kesi kutolilila ku malombelo a vaka-vuvi.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Mateo 21:22

Nga mukulaela mukatambula vyuma vyoshe vimukalomba.”

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

Yowano 16:24

Tunde aje nakweta ku lelo kanda mulombe cuma cimo mu lizina lyange, lombeni, co mukatambula, ngeci kuvwaelela kweni kukapwemo.

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

Efeso 3:12

Akukala muli ikeye na akukulaela kwetu muli ikeye, twasa kuya ku mesho a Njambi nakusimpa kwoshe.

VaHevelu 10:35

Ngecivene, kesi mumbile kuti kusimpa kweni kuje kuli na cikandelela cakama manene.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.