1 Yowano 5:13 - Livulu lya Shukulu Kalunga

¹³ Njinamisonekela evi ngeci muzivuke ngweni muli na mwonyo wa myaka yoshe, yeni vene munakulaela muli Muna Njambi.

1 Yowano 5:13 Iomraidhean Croise

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 2:23

Omo Yesu wakele mu Yelusalema a simbu ya Ciwano ca Pasovala, vavangi vakulaelele kuli ikeye akumona vizivukiso vije vyalingile.

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 21:24

Ikeye vene ndongisi uje wambulwile vyuma evi, uje lalo wasonekele evi, co tunazivuka ngwetu vije vyendekele vinapu vya vushunga.

Yowano 3:18

Uje akulaela kuli Mwana kuvakamuhisa embwe, oloni uje kakulaelele vanamuhisa laja, omwo kakulaelele kuli Muna Njambi umolika.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Vilinga vya Miluwa 3:16

Co yapwile nzili ya lizina lyendi ikeyo inakangwisa munu ou. Evi vimunamono nevi vimunazivuka vinalingiwa akukulaela mu lizina lyendi, kukulaela kuli Yesu kukekwo kunamukangwisa, ngwe mumunamono yeni voshe.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

1 Yowano 1:4

Tulinakusoneka evi ngeci kujolela kwetu kukapwe kwamutunu.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 2:21

Ngecivene, Njilinakumisonekela, kesi ngwe omwo kumuzivuka vushunga embwe, oloni omwo munavuzivuka, co lalo mwazivuka ngweni makuli naamo ai atunda ku vushunga.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

1 Yowano 2:26

Njilinakumisonekela eci omwo ali vaje valinakweseka kumikwisa.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 4:9

Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.

1 Yowano 5:10

Ngecivene, voshe vaje vanakulaela ali Muna Njambi vali na vukaleo ovu mu vimbunge vyavo, oloni voshe vaje kuvakulaelele Njambi, vanamupwisa ikeye muka-makuli, omwo vakevo kuvakulaelele vukaleo vuje vwendekele Njambi ali Munendi.

1 Yowano 5:11

Ngecivene, ovu vukevwo vukaleo, Njambi natwana mwonyo wa myaka yoshe, co mwonyo ou uli muli Munendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.