1 Yowano 4:9 - Livulu lya Shukulu Kalunga

⁹ Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.

1 Yowano 4:9 Iomraidhean Croise

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Mako 12:6

Kwasalele munendi umolika ikeye yatumineko uje yazemene. Akukotoka watumineko munendi wendekele ngwendi, ‘Mwa vushunga vakasingimika munange.’

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 3:18

Uje akulaela kuli Mwana kuvakamuhisa embwe, oloni uje kakulaelele vanamuhisa laja, omwo kakulaelele kuli Muna Njambi umolika.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Yowano 6:29

Yesu wavakumbulwile ngwendi, “Vyashaka Njambi ngeci muvilinge vinapu kukulaela kuli uje yatumine.”

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Yowano 8:29

Co uje wanjitumine ali amo nange, kanjisezele ange lika embwe, omwo simbu yoshe njikalingi vije vimuvwaelelesa.”

Yowano 8:42

Yesu wendekele kuli vakevo ngwendi, “Nga mwa vushunga Njambi wapwa Ishweni, ngwe mwanjizeme, omwo yange njatundile kuli Njambi, ololo njili kuno. Kunjezile na nzili yange vavenya, oloni ikeye wanjitumine.

Yowano 9:3

Yesu wavakumbulwile ngwendi, “Kesi ikeye walingile vuvi nameme visemi vendi kuvalingile vuvi embwe. Oloni napu kapuputwa ngeci nzili ya Njambi isholoke muli ikeye.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

VaHevelu 1:5

Omwo Njambi kendekele kuli umo wa tungelo twendi ngwendi, “Yove unapu u Munange, litangwa lya lelo njinakukiti.” Naimo simbu yai Njambi nendeka kuli kangelo umo ngwendi, “Yange njikapwa nji Ishe, co ikeye akapwa Munange.”

1 Yowano 3:16

Omu mukemwo twazivuka vati cizemo mucafwa, Kilistu wecelele mwonyo wendi ali yetu. Ngecivene, netu lalo tunapande kwecelela myonyo yetu ali vakwetu!

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.

1 Yowano 5:11

Ngecivene, ovu vukevwo vukaleo, Njambi natwana mwonyo wa myaka yoshe, co mwonyo ou uli muli Munendi.

1 Yowano 5:13

Njinamisonekela evi ngeci muzivuke ngweni muli na mwonyo wa myaka yoshe, yeni vene munakulaela muli Muna Njambi.