1 Yowano 4:7 - Livulu lya Shukulu Kalunga

⁷ Vasamba vange vanjazema, tulizemeni umo na mukwavo, omwo cizemo catunda kuli Njambi. Woshe uje wakala na cizemo wapwa muna Njambi, co azivuka Njambi.

1 Yowano 4:7 Iomraidhean Croise

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

1 Kolinte 8:3

Oloni nga munu azema Njambi nendi vanamuzivuka kuli Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

2 Timateo 1:7

Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Yowano 2:10

Nga tuzema vakwetu, tulinakuyoya mu ceke, ngecivene, muli yetu kumwesi cuma nacimo cai cakutanukisa munu weka ngeci alinge vuvi.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 2:3

Nga twononoka mashiko a Njambi, co mwa vushunga vene tunamuzivuka.

1 Yowano 2:4

Nga twendeka ngwetu tumuzivuka oloni kutwononoka mashiko endi, tunapu tu vaka-makuli, co kumwesi vushunga muli yetu.

1 Yowano 2:7

Vasamba vange vanjazema, lishiko eli njilinakusoneka kuli yeni kesi lyaliha embwe, linapu lishiko lyalaja, likelyo vene mwakele nalyo tunde akulivanga. Lishiko lyalaja lyapwa lijwi lije mwalizivile laja.

1 Yowano 3:9

Naumo wai wa vana va Njambi vavandondo atwalelelao kulinga vuvi, omwo cisemwa ca Njambi cili muli vakevo, co omwo Njambi napu Ishavo, kuvasa kutwalelelao kulinga vuvi.

1 Yowano 4:11

Vasamba vange vanjazema, nga eci cikeco cizemo ca Njambi catuzemene naco, ngecivene, tunapande kulizema umo na mukwavo.

1 Yowano 4:12

Naumo wai wamona Njambi; oloni nga tulizema umo na mukwavo, co Njambi akayoya muli yetu, na cizemo cendi cinapu ca vushunga muli yetu.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.

1 Yowano 4:20

Nga twendeka ngwetu twazema Njambi, oloni tuzinda vakwetu, tunapu vaka-makuli. Omwo kutwasa kuzema Njambi, uje kanda tumone, nga kutuzeme vakwetu vaje tunamono.

1 Yowano 4:8

Woshe uje kesi na cizemo kazivuka Njambi, omwo Njambi wapwa cizemo.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

2 Yowano 1:5

Co ololo njikulomba yove ndokazi wa cizemo ngwange, tulizemeni umo na mukwavo. Eli kesi lishiko lyaliha njimisonekela, eli likelyo lishiko tunakala nalyo tunde akulivanga.