1 Yowano 4:17 - Livulu lya Shukulu Kalunga

¹⁷ Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.

1 Yowano 4:17 Iomraidhean Croise

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 11:22

Oloni njimileka ngwange, a Litangwa Lyakusompa Njambi akatetela manene vanu va ku Tile na Sindone kutuvakana yeni!

Mateo 11:24

Oloni njimileka ngwange, a Litangwa Lyakusompa Njambi akatetela manene vanu va ku Sondoma kutuvakana yeni.”

Mateo 12:36

“Yange njimileka a cuma eci ngwange, a Litangwa Lyakusompa munu woshe akalangulula majwi oshe angoco aje endekele.

Yowano 15:20

Anukeni muje njamilekele ngwange, ‘Ngamba naumo wai natuvakana shukulu yendi.’ Nga yange vanjiyandesa, neni lalo vakamiyandesa, nga vononoka vilongesa vyange, co vakononoka vilongesa vyeni lalo.

Yowano 17:22

Njavanene vumpau ngwevuje vuwanjanene, ngecivene, vapwe umo, ngwe yove nange twapwa umo,

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

VaHevelu 9:27

Munu woshe napande kutsa lumo, co asinoni vakamusompa kuli Njambi.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yakomba 2:22

Kuma kumwasa kumona ndi? Kukulaela kwendi na vilinga vyendi vyoshe vyapangele amo, kukulaela kwendi vacipwisile cakutungukwa a vilinga vyendi.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

1 Yowano 2:5

Oloni nga twononoka lijwi lyendi, tunapu vaje vazema omwo Njambi vanamupwisa muka-vushunga. Omu mukemwo twasa kuzivuka ngwetu tuli muli Njambi,

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 3:7

Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.

1 Yowano 4:12

Naumo wai wamona Njambi; oloni nga tulizema umo na mukwavo, co Njambi akayoya muli yetu, na cizemo cendi cinapu ca vushunga muli yetu.