1 Yowano 4:11 - Livulu lya Shukulu Kalunga

¹¹ Vasamba vange vanjazema, nga eci cikeco cizemo ca Njambi catuzemene naco, ngecivene, tunapande kulizema umo na mukwavo.

1 Yowano 4:11 Iomraidhean Croise

Luka 10:37

Co mulongisi wa majwi a Lishiko wakumbulwile ngwendi, “Uje wamuzivilile mema ku mbunge.” Yesu wakumbulwile ngwendi, “Nove lalo ya ukalinge ngacije.”

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Kolose 3:13

Pweni vaka-kulimanena umo na mukwavo, co lisambeseni umo na mukwavo nga umo weni alinakulinyenga ali mukwavo. Munapande kulisambesa umo na mukwavo ngwe mwanamisambesa Mwene.

1 Yowano 2:7

Vasamba vange vanjazema, lishiko eli njilinakusoneka kuli yeni kesi lyaliha embwe, linapu lishiko lyalaja, likelyo vene mwakele nalyo tunde akulivanga. Lishiko lyalaja lyapwa lijwi lije mwalizivile laja.

1 Yowano 3:11

Omwo lijwi lije mwazivile akulivanga likelyo eli, tunapande kulizema umo na mukwavo.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 4:7

Vasamba vange vanjazema, tulizemeni umo na mukwavo, omwo cizemo catunda kuli Njambi. Woshe uje wakala na cizemo wapwa muna Njambi, co azivuka Njambi.

2 Yowano 1:5

Co ololo njikulomba yove ndokazi wa cizemo ngwange, tulizemeni umo na mukwavo. Eli kesi lishiko lyaliha njimisonekela, eli likelyo lishiko tunakala nalyo tunde akulivanga.