1 Yowano 3:7 - Livulu lya Shukulu Kalunga

⁷ Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.

1 Yowano 3:7 Iomraidhean Croise

Myaso 106:3

Vavezika vanu vaje valinga vushunga, vanu vaje valinga vuvwa simbu yoshe!

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Mateo 5:20

Omwo njimileka ngwange, nga mushaka kukovela mu Vumwene vwa mwilu, kuvanga mupwe va kulongwa manene kutuvakana valongisi va majwi a Lishiko na vaFaliseo, nga ngoconi, co kumukakovela mu Vumwene vwa mwilu.

Luka 1:75

ngeci tupwe vakujela na vaka-vushunga ku mesho endi, matangwa oshe akuyoya kwetu.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Loma 2:13

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.

VaHevelu 7:2

co Avilahama wamwanene cavulikumi ku vyuma vyoshe vije vyakele navyo. Co kulumbunuka kwakulivanga ya lizina lya Melekizendeki kwapwa “Mwene wa Vushunga,” co omwo ikeye wapwile mwene wa ku Saleme, co kulumbunuka kwa lizina lyendi lalo lyapwa “Mwene wa Kwoloka.”

Yakomba 1:22

Kesi mulikwise yeni vavenya mukupwa vaka-kuziva lijwi lyendi lika, oloni pweni vaka-kulipangesa.

Yakomba 2:19

Unakulaela ngwove kwali Njambi umolika ndi? Mwamuvwa! Na minzinzime yakujwala lalo inakulaela, co ikajaja na lyova.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 2:26

Njilinakumisonekela eci omwo ali vaje valinakweseka kumikwisa.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 4:17

Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.