1 Yowano 3:5 - Livulu lya Shukulu Kalunga

⁵ Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

1 Yowano 3:5 Iomraidhean Croise

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Luka 23:41

Cihiso cetu cinatupande, omwo tutambula fweto ya vilinga vyetu, oloni munalume ou kesi na vuvi.”

Luka 23:47

Co mukulunu wa mashwalale wamwene vije vyalingiwile, washangazalele Njambi wendekele ngwendi, “Mwa vushunga munalume ou wapwile muka-vushunga!”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:31

Yange kunjamuzivukile ngwange ikeye, oloni njezile nakumbwitika mu mema mukumusholola ku vanu va Isalele.”

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

Yowano 8:46

Iyajo akati keni anjihisa a vuvi? Nga njendeka vushunga, omwo vika kumunjikulaela?

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,