1 Yowano 3:3 - Livulu lya Shukulu Kalunga

³ Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 3:3 Iomraidhean Croise

2 Samwele 22:27

Yove wapwa wakujela kuli vaje vakujela, oloni ukamwesa vukalu kuli vaka-vuvi.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Luka 6:36

Pweni vaka-kutetela ngwe Ishweni wapwa muka-kutetela.

Yowano 17:19

Co omo ali vakevo njilikundika yange vavenya kuli yove, ngeci na vakevo lalo valikundike mu vushunga kuli yove.

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

Tito 3:7

ngeci a kutetela kwendi vatupwise vaka-vushunga ku mesho a Njambi nakutwana mwonyo wa myaka yoshe uje tulinakukengezeka.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:15

Oloni, pweni vakujela mu vyoshe mulinga, ngwe Njambi uje wamisanene wapwa wakujela.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

1 Yowano 4:17

Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.