1 Yowano 3:22 - Livulu lya Shukulu Kalunga

²² Tukatambula kuli ikeye cuma coshe tumulomba, omwo tukononoka mashiko endi nakulinga vije vimuvwaelelesa.

1 Yowano 3:22 Iomraidhean Croise

Yombi 22:26

Co simbu yoshe ukapwa u muka-kukulaela kuli Njambi, co ukawana ngeci ikeye napu nsina yakujolela kwove.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 34:4

Njalombelele kuli Shukulu Kalunga, co wanjikumbulwile, ikeye wanjipatwile ku lyova lyange lyoshe.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Visimo 15:29

Omo vaka-vushunga valombela, Shukulu Kalunga avatolilila, oloni kesi kutolilila ku malombelo a vaka-vuvi.

Visimo 28:9

Munu uje kononoka lishiko, malombelo endi kuli Njambi anapu a vunyengwe.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 21:22

Nga mukulaela mukatambula vyuma vyoshe vimukalomba.”

Mako 11:24

Ngecivene, omwo a cuma eci njimileka ngwange, omo mulomba cuma, kulaeleni ngeci munacitambula, co vyoshe mulomba vakamyanavyo.

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

Yowano 6:29

Yesu wavakumbulwile ngwendi, “Vyashaka Njambi ngeci muvilinge vinapu kukulaela kuli uje yatumine.”

Yowano 8:29

Co uje wanjitumine ali amo nange, kanjisezele ange lika embwe, omwo simbu yoshe njikalingi vije vimuvwaelelesa.”

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Yowano 2:3

Nga twononoka mashiko a Njambi, co mwa vushunga vene tunamuzivuka.

1 Yowano 5:14

Tunasimpi ku mesho a Njambi, omwo tunazivuka ngwetu ikeye atuziva nga tumulomba cuma cimo ngwe ku cizango cendi.