1 Yowano 3:20 - Livulu lya Shukulu Kalunga

²⁰ Nga citaku-taku cetu cituvayesa, co tunazivuka ngwetu Njambi ikeye wakama manene kutuvakana citaku-taku cetu, co azivuka vyuma vyoshe.

1 Yowano 3:20 Iomraidhean Croise

Yombi 27:6

Njikakateya mu vushunga vwange, co kunjikavwecela, simbu yoshe injiyoya mbunge yange kuyikanjivayesa.

Yombi 33:12

“Oloni Yombi njikuleka ngwange unapengesa omwo Njambi wapwa wakama kuhyana munu.

Myaso 90:8

Yove wazivuka vuvi vwetu, nameme vuvi vuje tukalingi mu vushweke.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 8:9

Oloni omo vazivile ngeci, voshe vaile, umo na umo, kushangumukila kuli vakulunu. Co Yesu wasalele endi lika, na uje munakazi anga nemana lwii kuje.

Vilinga vya Miluwa 5:33

Omo vaje vaka-Munga vazivile vyuma evi, valuvalele manene vashakele ngeci vatsiye miluwa.

Loma 8:34

Iyajo asa kuvahisa? Kesi Kilistu Yesu, uje watsile, eyo, uje wasangukile ku vatsi, co ali ku livoko lya cilyo lya Njambi, mukutulambelelako kuli Njambi!

1 Kolinte 4:4

Citaku-taku cange cinapu cakulumbunuka, oloni kucimwesa ngeci njinapu wakujeneka mulonga. Mwene ikeye anjisompa.

Tito 3:11

Unazivuka ngeci munu wa cifwa cangacije wamuvi, co vivi vyendi vilinakumusholola ngeci naviisa.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

VaHevelu 6:13

Omo Njambi walingile cikulaeso cendi kuli Avilahama, walisingile kulinga cije cakulaesele. Omwo kukwakele lalo weka wakumuhyana, wapangesele lizina lyendi vavenya omo walisingile cisingo cendi.

1 Yowano 3:19

Ngecivene, a cuma eci cikeco cituzivukisa ngeci ngwetu kuma tunakundama ku vushunga, eci cikeco cinatutakamesa mu vimbunge vyetu ku mesho a Njambi.

1 Yowano 3:21

Ngecivene, vasamba vange vanjazema, nga citaku-taku cetu kucituvayesa, co tulikolesa ku mesho a Njambi.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.