1 Yowano 3:2 - Livulu lya Shukulu Kalunga

² Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

1 Yowano 3:2 Iomraidhean Croise

Yombi 19:26

Nameme cikonde cange cinaliwa na mushongo, kunjikamono Njambi mu muvila ou,

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Mateo 5:8

“Vanavezika vaje vaka-kujela mu vimbunge, omwo vakamona Njambi!

Luka 17:30

Mukemwo lalo mucikafwa a litangwa lyakasholoka Muna Munu.

Luka 20:36

Vakevo vakafwa ngwe tungelo kuvakasa lalo kutsa. Vakevo vanapu vana va Njambi, omwo vanasanguka ku vatsi.

Yowano 1:12

Oloni kuli voshe vaje vamutambwile nakukulaela kuli ikeye, wavanene moko yakupwa vana va Njambi.

Yowano 11:52

co kesi vakevo lika embwe, oloni akungulwile amo vanu va Njambi mu muvila umo vaje vanashandokela kweka.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Loma 8:16

Munzinzime wa Njambi unalitombola na munzinzime wetu mukusholola ngeci tunapu vana va Njambi.

Loma 8:18

Yange njinayongola ngwange tuyando otu tulinakuyanda simbu ino kutwasa kutuseteka na vumpau vuje vukasholoka kuli yetu.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

1 Kolinte 15:49

Ngwe omo tuli na cifwa ca uje munalume watundile ku livu, ngecivene, mutukalifwa na cifwa cimo ca uje Munalume watundile mwilu.

1 Kolinte 2:9

Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

Kolose 3:4

Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

1 Yowano 2:7

Vasamba vange vanjazema, lishiko eli njilinakusoneka kuli yeni kesi lyaliha embwe, linapu lishiko lyalaja, likelyo vene mwakele nalyo tunde akulivanga. Lishiko lyalaja lyapwa lijwi lije mwalizivile laja.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.

1 Yowano 3:21

Ngecivene, vasamba vange vanjazema, nga citaku-taku cetu kucituvayesa, co tulikolesa ku mesho a Njambi.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

Kujombolola 2:28

Co lalo njikavana litota lya mutondo.

Kujombolola 22:4

Vakamona cihanga cendi, co lizina lyendi vakalisoneka a maholo avo.