1 Yowano 3:16 - Livulu lya Shukulu Kalunga

¹⁶ Omu mukemwo twazivuka vati cizemo mucafwa, Kilistu wecelele mwonyo wendi ali yetu. Ngecivene, netu lalo tunapande kwecelela myonyo yetu ali vakwetu!

1 Yowano 3:16 Iomraidhean Croise

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Yowano 10:11

“Yange kanyungi wamuvwa, kanyungi wamuvwa ali na cizango cakutsila vimanga.

Yowano 10:15

Ngwe amo Tate anjizivuka, co nange lalo njizivuka Tate, mu ngila imo vene njizivuka vimanga vange navo lalo vanjizivuka. Co njitula mwonyo wange omwo vimanga vange.

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Loma 16:4

vakevo vecelele myonyo yavo omwo yange. Njinavakandelela, kesi yange lika, oloni lalo na vikungulukilo vyoshe vya vaje kesi vaYunda.

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!

2 Kolinte 4:12

Co eci cinalumbunuka ngeci kuma kutsa kulinakupanga muli yetu, oloni mwonyo ulinakupanga muli yeni.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:25

Eni vanalume, zemeni vanakazi veni, ngwe Kilistu mwazemene cikungulukilo, co wanene mwonyo wendi omwo cikeco.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Filipu 2:30

omwo waanene mwonyo wendi, co washakele kutsa omwo a vipangi vya Kilistu, ngeci anjikwase kuli vije yeni kumwasele kunjana.

1 Tesalonika 2:8

Omwo a cizemo cetu kuli yeni twalivwaeselele ngeci tulipangele neni amo, kesi lika Vin̄anda Vyavivwa vyakutunda kuli Njambi oloni na myonyo yetu lalo. Omwo yeni munapu vaje vatwazema manene!

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

1 Yowano 2:9

Nga twendeka ngwetu tuli mu ceke, oloni tuzinda vakwetu, anga tucili mu lisusulungu na ku simbu ino vene.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.