1 Yowano 3:15 - Livulu lya Shukulu Kalunga

¹⁵ Vaje vazinda vakwavo vanapu vaka-kutsiya, co yeni munazivuka ngweni vaka-kutsiya kuvesi na mwonyo wa myaka yoshe.

1 Yowano 3:15 Iomraidhean Croise

Kushangumuka 27:41

Co Isau wazindile Yakomba, omwo ikeye Yakomba watambwile civezikiso cije capandele kupwa ca Isau. Co Isau wayongwele ngwendi, “Simbu yakulila tate ili muyehi, akeo anjikatsiila ndolome yange Yakomba.”

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Mako 6:19

Ngecivene, Helondiya wakele na likiti-kiti ali Yowano, co washakele kumutsiya, oloni kasele omwo ya Helonde.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 23:12

Alikaki mutondo vamo vaYunda valikungulwile nakutumba vutumbe. Valisingile cisingo ngeci kuvali vyakulya nambe kunwa kuvanga noo vanatsii Paulu.

Vilinga vya Miluwa 23:14

Co vaile kuli vakulunu va vaka-kukombelela na kuli vakulunu vendekele ngwavo, “Tunalisingi tuvavoshe ngwetu kutwasa kulya vyakulya nambe kunwa kuvanga noo tunatsii Paulu.

Kwituluka mu Mashiko 19:11

“Oloni nga munu azinda mukwavo nakumuvandamena, co amukatukila nakumupupa ngeci atse, co atewela ku nganda imo ngeci vakamunyunge,

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Yowano 2:11

Oloni nga tuzinda vakwetu, tuli mu lisusulungu, tucili nakwendamo, co kutuzivuka oku tulinakuya, omwo lisusulungu linatupwisa tupuputwa.

1 Yowano 2:9

Nga twendeka ngwetu tuli mu ceke, oloni tuzinda vakwetu, anga tucili mu lisusulungu na ku simbu ino vene.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”