1 Yowano 2:8 - Livulu lya Shukulu Kalunga

⁸ Nameme ngoco, lishiko linjilinakumisonekela linapu lyaliha, omwo vushunga vwalyo vanavumono muli Kilistu na muli yeni lalo. Omwo lisusulungu lilinakwita, co ceke ca vushunga cinashangumuka laja kutwa.

1 Yowano 2:8 Iomraidhean Croise

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Luka 1:79

ceke ca mwilu kutwila voshe vaje vanatumbama mu munzinze wa lisusulungu lya kutsa, nakutwamenena mendi etu mu ngila ya kwoloka.”

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 4:11

Vasamba vange vanjazema, nga eci cikeco cizemo ca Njambi catuzemene naco, ngecivene, tunapande kulizema umo na mukwavo.

1 Yowano 4:21

Co eli likelyo lishiko lyanatwana Kilistu, woshe uje azema Njambi napande kuzema vakwavo lalo.