1 Yowano 2:5 - Livulu lya Shukulu Kalunga

⁵ Oloni nga twononoka lijwi lyendi, tunapu vaje vazema omwo Njambi vanamupwisa muka-vushunga. Omu mukemwo twasa kuzivuka ngwetu tuli muli Njambi,

1 Yowano 2:5 Iomraidhean Croise

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 106:3

Vavezika vanu vaje valinga vushunga, vanu vaje valinga vuvwa simbu yoshe!

Myaso 119:146

Njikulambelela ngeci unjovole, co njikanyunga mashiko ove.

Myaso 119:2

Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 119:4

Yove unatwana mashiko ove Shukulu Kalunga, ngeci tuwononoke mwamuvwa.

Visimo 28:7

Uje anyunga mashiko napu mwana wa mana, oloni uje alikwata vusamba na vaka-kupenda azivisa ishe shwamwa.

Visimo 8:32

“Co ololo yeni vakwenje, tolilileni kuli yange. Lingeni ngwe muje njendeka, co mukavwaelela.

Muka-kwambulula 8:5

Nga wononoka mashiko a mwene, co ukakala mwamuvwa, muka-mana azivuka ngila na simbu yakulinga vyuma.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 15:5

“Yange mukolovozi wa vinyu, yeni munapu minango. Woshe akala muli yange, co nange njikala muli ikeye, ikeye akaima vushuka vwavungi, omwo mweni lika kumwasa kulinga cuma nacimo cai.

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Yakomba 2:22

Kuma kumwasa kumona ndi? Kukulaela kwendi na vilinga vyendi vyoshe vyapangele amo, kukulaela kwendi vacipwisile cakutungukwa a vilinga vyendi.

1 Yowano 3:24

Voshe vaje vononoka mashiko a Njambi vayoya muli Njambi na Njambi ayoya muli vakevo. Co omwo ali Munzinzime uje natwana, co tunazivuka ngwetu Njambi ali nakuyoya muli yetu.

1 Yowano 4:17

Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.

1 Yowano 4:18

Kukwesi lyova mu cizemo, oloni cizemo ca vushunga cisheka lyova lyoshe. Ngecivene, cizemo kucapwile ca vushunga muli umo uje ali na lyova, omwo lyova lyakundama kukunyanyamesa.

1 Yowano 5:2

Omu mukemwo tuzivuka ngwetu tuzema vana va Njambi, cinapu kuzema Njambi nakwononoka mashiko endi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

2 Yowano 1:6

Cizemo eci njendeka cilumbunuka ngeci tunapande kuyoya mukwononoka kushika kwa Njambi. Kushika, ngwe yeni voshe mwaziva laja tunde akulivanga, kunapu ngeci, yeni voshe munapande kuyoya mu cizemo.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.