1 Yowano 2:4 - Livulu lya Shukulu Kalunga

⁴ Nga twendeka ngwetu tumuzivuka oloni kutwononoka mashiko endi, tunapu tu vaka-makuli, co kumwesi vushunga muli yetu.

1 Yowano 2:4 Iomraidhean Croise

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Tito 1:10

Omwo kuvali vavangi vaka-kuumukwa na vaka-kulwisa vakwavo na vyuma vyavo vyangoco, manene vaje vaka-futisi ya vaYunda.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

1 Yowano 1:10

Nga twendeka ngwetu kutwalingile vuvi, co tunapwisa Njambi muka-makuli, co lijwi lyendi kulyesi muli yetu.

1 Yowano 1:6

Ngecivene, nga twendeka ngwetu tuli na kulitombola muli ikeye, oloni a simbu imolika tulinakuyoya mu lisusulungu, tulinakwendeka makuli mu majwi etu na mu vilinga vyetu.

1 Yowano 1:8

Nga twendeka ngwetu kutwesi na vuvi, tulinakulikwisa yetu vavenya, co muli yetu kumwesi vushunga vwai.

1 Yowano 2:3

Nga twononoka mashiko a Njambi, co mwa vushunga vene tunamuzivuka.

1 Yowano 2:9

Nga twendeka ngwetu tuli mu ceke, oloni tuzinda vakwetu, anga tucili mu lisusulungu na ku simbu ino vene.

1 Yowano 3:6

Ngecivene, munu woshe uje alinakuyoya muli Kilistu kasa kutwalelelao kulinga vuvi, oloni woshe uje atwalelelao kulinga vuvi, ikeye kamumwene nalumo lwai nambe kumuzivuka.

1 Yowano 4:20

Nga twendeka ngwetu twazema Njambi, oloni tuzinda vakwetu, tunapu vaka-makuli. Omwo kutwasa kuzema Njambi, uje kanda tumone, nga kutuzeme vakwetu vaje tunamono.

1 Yowano 4:7

Vasamba vange vanjazema, tulizemeni umo na mukwavo, omwo cizemo catunda kuli Njambi. Woshe uje wakala na cizemo wapwa muna Njambi, co azivuka Njambi.