1 Yowano 2:29 - Livulu lya Shukulu Kalunga

²⁹ Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 2:29 Iomraidhean Croise

Njelemiya 13:23

Munu asa kutengulula cikonde cendi, nambe ingwe kutengulula mavala endi ndi? Nga ngoconi, amo mwasa kutenguluka, nakulilongesa kulinga vyuma vyavivwa.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Yowano 1:13

Vakevo kuvapwile vana va Njambi ku cisemwa ca ano asi embwe, cisemwa cakusemuka ku munalume, oloni Njambi vavenya ikeye wapwile ishavo.

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Vilinga vya Miluwa 22:14

Co wendekele ngwendi, ‘Njambi ya vakukulwila vetu nakwangula ngeci uzivuke cizango cendi nakumona Ngamba yendi wa vushunga nakumutolilila omo endeka na lijwi lyendi.

Vilinga vya Miluwa 3:14

Oloni wapwile wakujela, wa vushunga, oloni mwamuvyanene, mwalombele Pilato amyecelele uje lipwepwe.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

VaHevelu 7:2

co Avilahama wamwanene cavulikumi ku vyuma vyoshe vije vyakele navyo. Co kulumbunuka kwakulivanga ya lizina lya Melekizendeki kwapwa “Mwene wa Vushunga,” co omwo ikeye wapwile mwene wa ku Saleme, co kulumbunuka kwa lizina lyendi lalo lyapwa “Mwene wa Kwoloka.”

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

1 Yowano 3:7

Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.

1 Yowano 4:7

Vasamba vange vanjazema, tulizemeni umo na mukwavo, omwo cizemo catunda kuli Njambi. Woshe uje wakala na cizemo wapwa muna Njambi, co azivuka Njambi.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.

1 Yowano 5:4

omwo muna Njambi woshe asa kuhyana vya a kaye. Co ngila ituhyana nayo nakutuvakana vya a kaye ikeyo kukulaela kwetu.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.