1 Yowano 2:24 - Livulu lya Shukulu Kalunga

²⁴ Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

1 Yowano 2:24 Iomraidhean Croise

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Luka 1:2

Vasonekele vije vatulekele vaje vamwene vyuma evi, tunde akushangumuka, vaje vambulwile lijwi.

Luka 9:44

“Kesi mwivale evi vinjimileka! Muna Munu ololo vamwana ku nzili ya vanu.”

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Yowano 8:25

Vamwihwile ngwavo, “Yove iyajo?” Yesu wakumbulwile ngwendi, “Muje vene munjamilekele tunde akulivanga.

Filipu 4:15

Co neni lalo vaka-Filipu mwazivuka mwamuvwa ngweni omo njatundile ku Masendoniya mu matangwa akulivanga akwambulula Vin̄anda Vyavivwa, kuvanga vaka-cikungulukilo ceni lika mwanjikwasele, kuvanga yeni lika vamo mwalipangelele nganyo yange nakujeneka kwange.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

VaHevelu 2:1

Ngecivene, twapande kukakateya mbe ku vushunga vutunazivi, kutewa tukongumuka nakutunda ku vyuma evi.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 2:7

Vasamba vange vanjazema, lishiko eli njilinakusoneka kuli yeni kesi lyaliha embwe, linapu lishiko lyalaja, likelyo vene mwakele nalyo tunde akulivanga. Lishiko lyalaja lyapwa lijwi lije mwalizivile laja.

1 Yowano 3:24

Voshe vaje vononoka mashiko a Njambi vayoya muli Njambi na Njambi ayoya muli vakevo. Co omwo ali Munzinzime uje natwana, co tunazivuka ngwetu Njambi ali nakuyoya muli yetu.

1 Yowano 4:13

Twazivuka mwamuvwa ngwetu tuli muli Njambi, co na ikeye alinakuyoya muli yetu, omwo natwana Munzinzime wendi.

1 Yowano 4:15

Nga tutava ngwetu Yesu wapwa Muna Njambi, tuyoya muli Njambi na Njambi ayoya muli yetu.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.

2 Yowano 1:2

omwo vushunga vwakala muli yetu, co vukakala muli yetu myaka yoshe.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

3 Yowano 1:3

Njavwaelelele manene omo vamo vakwetu vaka-Yesu vetele nakunjileka vya lukakateya lwove ku vushunga, ngwe simbu yoshe yove wayoya mu vushunga.

Kujombolola 3:11

Njilinakwija vwasi-vwasi. Nyunga mwamuvwa vije viwulinavyo, ngeci kesi kukale umo akunyeke cilongo cove cakuhyana.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.