1 Yowano 2:21 - Livulu lya Shukulu Kalunga

²¹ Ngecivene, Njilinakumisonekela, kesi ngwe omwo kumuzivuka vushunga embwe, oloni omwo munavuzivuka, co lalo mwazivuka ngweni makuli naamo ai atunda ku vushunga.

1 Yowano 2:21 Iomraidhean Croise

Visimo 1:5

Visimo evi vyasa kuwezelela ku mana a vaje valinawo, vyasa kutwamenena lalo vaka-kulilongesa,

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

2 Petulu 1:12

Ngecivene, simbu yoshe njikamyanukisa vyuma evi, nambe yeni mwavizivuka laja, co munemana mbe mu vushunga vuje munatambula.

1 Yowano 3:19

Ngecivene, a cuma eci cikeco cituzivukisa ngeci ngwetu kuma tunakundama ku vushunga, eci cikeco cinatutakamesa mu vimbunge vyetu ku mesho a Njambi.

Yunda 1:5

Nameme mwazivuka vyuma vyoshe evi, oloni njishaka kumyanukisa vati Shukulu Kalunga wovwele vanu va Isalele kutunda mu lifuti lya Ingito, oloni munima yevi wanyongesele vaje kuvakulaelele.