1 Yowano 2:16 - Livulu lya Shukulu Kalunga

¹⁶ Omwo vyuma vyoshe vije vyakundama ku kaye, vije vishungwiya mashungu amavi a vunu, vije vanu vamona nakuvishungwiya na vyuma vyoshe vya muno mu kaye vije vanu vali na kulyalesa navyo, nacimo cai ali evi catunda kuli Tate, vyoshe evi vyatunda mu kaye.

1 Yowano 2:16 Iomraidhean Croise

Kushangumuka 3:6

Omo munakazi wamwene vuvwa vwa uje muti na sholovya ya vushuka vwawo, co lalo ukewo wasa kutengulwisa munu akale na mana, wapotwele vushuka vwawo, walile. Co waaneneko vumo munalume wendi, nendi lalo walile.

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso 73:6

Kulyalesa kwavo vasa kucimona ngwe sungu ili mu mukoshi na lwozi valinga vasa kulumona ngwe vuzalo vwavo,

Myaso 78:18

Co valingile shakelo mukweseka Njambi, akulomba vyakulya vivashakele.

Myaso 78:30

Oloni omo lishungu lyavo lyakulya kanda lihwe,

Visimo 27:20

Lishungu lya vanu lyafwa ngwe vukalo vwa vatsi, simbu yoshe viyongola vyeka kuvili.

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Kulava 11:34

Ngecivene, mutambela uje vautumbwile ngwavo, Kimbelote-hatova “Vimbumbo vya Mashungu,” omwo kukekwo kuvatsindile vanu vaje vakele na lishungu lya situ.

Kulava 11:4

Co kwakele vanu vamo veka vaje vendele amo na vanu va Isalele. Vakevo vashungwiiye kulya situ, co vanu va Isalele navo vashangumukile kulinyenyeta ngwavo, “Tawe! Nga kutwawanako situ tai tulye!

Mateo 4:8

Co Liyavola watwalele lalo Yesu a munkinda waulaja manene, wamumwesele mafuti oshe a ano a kaye na vumpau vwao vwoshe.

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Luka 4:5

Aje vene Liyavola wamulamatesele a munkinda, co wamumwesele mu kasimbu kakandondo vumwene vwoshe vwa ano a kaye.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

1 Kolinte 10:6

Ololo, vyuma vyoshe evi vinapu cimweso kuli yetu, mukutunangula kesi tukale na mashungu akulinga vyuma vyavivi, ngwe muvalingile vakevo,

Ngalatiya 5:17

Omwo cisemwa cetu ca vunu cilinakulwisa vije vyashaka Munzinzime, co lalo vije vyashaka Munzinzime vilinakulwisa vije vishaka cisemwa cetu ca vunu. Vyoshe evi vivali vyakala mu vutozi, co eci cinalumbunuka ngeci yeni kumwasa kulinga vije vimushaka kulinga.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

Yakomba 3:15

Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.

Yakomba 4:16

Oloni yeni mukalyalesa nakulishasha, kulyalesa kweni kwoshe kunapu kwangoco.

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

2 Petulu 2:10

vunene kuli vaje valinakukavangeya mashungu amavi a muvila nakushaula moko ya Njambi. Ava valongisi va makuli vapwa vakwamuka nakujeneka lyova, kuvesi kusholola kasingimiko kuli vaka-vumpau vaje vali akamwa, oloni vakevo valinakuvashaula.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.