1 Yowano 2:13 - Livulu lya Shukulu Kalunga

¹³ Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo munamuhyana Uje Liyavola.

1 Yowano 2:13 Iomraidhean Croise

Myaso 148:12

vakwenje na vambanda, vakulunu na vanike lalo!

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 91:14

Njambi nendeka ngwendi, “Njikamena vaje voshe vanjizema, nakunyunga vaje vanjizivuka ngeci yange nji Kalunga.

Visimo 20:29

Vumpau vwa vakwenje vukevwo nzili yavo, oloni vuvwa vwa tukulukazi, vunapu kutoka vwele.

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 13:38

Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi,

Mateo 5:37

Kwendeka kweni kupwe ‘Eyo’ nambe ‘Embwe’ omwo vyoshe vyeka muwezelelako vitunda kuli Liyavola.

Luka 10:22

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vaashaka Mwana kuvasholwelaye.”

Yowano 14:7

Nga munanjizivuka, nga munazivuka na Tate lalo, co kushangumuka ololo kutwala kulutwe, munamuzivuka, co munamumono.”

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 8:19

Vamwihwile ngwavo, “Isho ali kulijo?” Yesu wavakumbulwile ngwendi, “Yeni kumunjizivuka nambe kuzivuka Tate. Nga mwanjizivukile, nga mwazivuka na Tate lalo.”

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

1 Timateo 5:1

Kesi uluvalese mukulunu, oloni munangule ngwe isho. Pangesa vakwenje ngwe vishongo vyove,

Tito 2:6

Mu ngila eyi vene, sindiya vakwenje lalo ngeci valinyunge vakevo vavenya.

1 Yowano 1:1

Tulinakusoneka kuli yeni a Lijwi lya mwonyo, lije lyakeleko tunde kukushangumuka. Tunalizivi, co tunalimono na mesho etu, eyo, tunalimono, co tunalikwata na mavoko etu.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 2:12

Njilinakumisonekela yeni vana vange vavandondo, omwo vivi vyeni vanavisambesa a lizina lya Kilistu.

1 Yowano 2:14

Njilinakumisonekela yeni vana vange vavandondo, omwo munazivuka Tate. Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo muli na nzili, lijwi lya Njambi lili muli yeni, co munamuhyana Uje Liyavola.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.