1 Yowano 2:10 - Livulu lya Shukulu Kalunga

¹⁰ Nga tuzema vakwetu, tulinakuyoya mu ceke, ngecivene, muli yetu kumwesi cuma nacimo cai cakutanukisa munu weka ngeci alinge vuvi.

1 Yowano 2:10 Iomraidhean Croise

Myaso 119:165

Vaje voshe vazema mashiko ove vali mu kwoloka, co kukwesi cuma cimo casa kuvatanukisa.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Mateo 13:21

Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela.

Mateo 18:7

Kayando ka ano a kaye omwo ali vyuma vilinakutanukisa ngeci kesi vakulaele! Vyuma evi simbu yoshe vinapande kulingiwa, oloni kayando ka munu uje avilinga!

Yowano 11:9

Yesu wendekele ngwendi, “Litangwa lyakala na maola likumi na avali indi kesi ngoco? Ngecivene, woshe enda mu mutanya katanuka, omwo amona ceke ca ano a kaye.

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Loma 14:13

Ngecivene, kesi tulihise umo na mukwavo. Oloni unapande kuyongola ngeci kesi wake citanukiso mu ngila ya mukweni nambe cakumuwisa.

Filipu 1:10

ngeci mwase kwangula vyavivwa. Asinoni mukapwe vaka-kupatuka ku mazilo oshe nakujeneka mulonga Litangwa lya Kilistu.

2 Petulu 1:10

Ngecivene, vasamba vange, esekeni manene na nzili kupwisa kusana nakwangula kweni ngwe vyuma vyeni vya myaka yoshe, omwo nga mulingamo, co kumukatundu kukukulaela kweni.

1 Yowano 2:11

Oloni nga tuzinda vakwetu, tuli mu lisusulungu, tucili nakwendamo, co kutuzivuka oku tulinakuya, omwo lisusulungu linatupwisa tupuputwa.

1 Yowano 3:14

Tunazivuka ngwetu tunatundu mu kutsa tunakovela mu mwonyo, tunazivuka cuma eci omwo tulinakuzema vakwetu. Vaje kuvesi kuzema anga vacili mwisi ya nzili ya kutsa.