1 Yowano 1:1 - Livulu lya Shukulu Kalunga

¹ Tulinakusoneka kuli yeni a Lijwi lya mwonyo, lije lyakeleko tunde kukushangumuka. Tunalizivi, co tunalimono na mesho etu, eyo, tunalimono, co tunalikwata na mavoko etu.

1 Yowano 1:1 Iomraidhean Croise

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Luka 1:2

Vasonekele vije vatulekele vaje vamwene vyuma evi, tunde akushangumuka, vaje vambulwile lijwi.

Luka 24:39

Kengeni mavoko ange na myanja yange, co moneni ngeci yange vene. Njikwateni, co muzivuka, omwo ndumba ya munu kakele na muvila na vitsiya, ngwe evi mwamono njilinavyo.”

Yowano 19:35

Uje wamwene evi muvyalingiwile wavyambulwile, ngecivene, neni lalo mukulaele. Vije vyendekele vinapu vya vushunga, co nazivuka ngeci endeka vushunga.)

Yowano 20:27

Asinoni wendekele kuli Tomasi ngwendi, “Aka mulavo wove omu, co kenga ku mavoko ange, co olola livoko lyove ngeci ukwate ku vimati vyange. Kesi ulinge vimata, oloni kulaela lika!”

Yowano 5:26

Omwo ngwe Tate wapwa nsina ya mwonyo, ngecivene, mu ngila eyi vene napwisa lalo Mwana nsina ya mwonyo.

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Vilinga vya Miluwa 1:3

A matangwa makumi awana kutunda a kutsa kwendi walisholwele kuli vakevo visimbu vyavingi mu vingila vije vyasholwele vukaleo kujeneka vimata ngeci ikeye wakele nakuyoya. Vamumwene, co wendekele navo vya Vumwene vwa Njambi.

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

1 Yowano 5:7

Co Munzinzime nasholola vukaleo ngwendi eci cinapu vushunga, omwo Munzinzime wapwa vushunga.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 19:13

Cikoveyo cije cazalele vacimbwitikile mu maninga. Lizina lyendi lyapwile, “Lijwi lya Njambi.”

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.