1 Vimyene 9:4 - Livulu lya Shukulu Kalunga

⁴ Nga ukanjipangela mwamuvwa na kulongwa, ngwe mwalingile isho Ndaviti, co nga wononoka mashiko ange nakulinga vyuma vyoshe vije njakushiki,

1 Vimyene 9:4 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 20:5

Avilahama ikeye wendekele ngwendi Sala napu ndokazi yendi, co munakazi lalo wendekele ngwe muje mwendekele Avilahama.”

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

1 Vimyene 11:6

Co walingile vuvi ku mesho a Shukulu Kalunga, kapwile lalo muka-vushunga ngwe mwalingile ishe Ndaviti.

1 Vimyene 14:8

Njatundisile vumwene kuli vatekulwila va Ndaviti nakuvwana kuli yove. Oloni kuwapwile ngwe ngamba yange Ndaviti, uje wapwile wa kulongwa manene kuli yange, uje wononokele kushika kwange, nakulinga lika vije vinjamulekele.

1 Vimyene 15:5

Shukulu Kalunga walingile eci omwo Ndaviti walingile vije vyamuvwasele, co wononokele kukushika kwendi, kuvanga lika a mulonga wa Uliya kaHiti.

1 Vimyene 3:14

Co nga ukanjononoka nakunyunga mashiko ange nakushika kwange, ngwe mwalingile isho Ndaviti, co njikatumisa matangwa akuyoya kwove.”

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

1 Vimyene 6:12

“Nga wenda mu vizilika vyange, nakwononoka vilongesa vyange, nakunyunga mashiko ange, co njikakulingila vije njakulaesele isho Ndaviti.

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

2 Mizimbu 17:4

Ikeye wapangelele Njambi ya ishe, wononokele mashiko a Njambi, co kalingile vilinga vije vivalingile vimyene va mu Isalele embwe.

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 128:1

Navezika munu uje ononoka Shukulu Kalunga, munu uje anyunga mashiko a Shukulu Kalunga.

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 26:1

Yove Shukulu Kalunga, njakwile mu vushunga akujeneka mulonga, omwo njikalingi vya vushunga, nakukukulaela na mbunge yange yoshe.

Myaso 26:11

Oloni yange njikalingi vya vushunga, njizivileko mema ku mbunge, co njamene.

Myaso 78:72

Ngecivene, Ndaviti wavanyungile na mbunge imo, co wavatwamenenene na mana.

Visimo 10:9

Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

Visimo 20:7

Munu muka-vushunga akende mu vushunga, vavezika vanike vaje vamutembunwina.

Visimo 28:18

Pwa munu wa kulongwa, co ukovoka, nga kuupu munu wa kulongwa, co vwasi-vwasi ukawa.

Ezekiyele 18:9

Munu wa cifwa cangacije muka-kwononoka kushika kwange nakunyunga mwamuvwa mashiko ange. Ikeye muka-vushunga, co akayoya. Mwalinakwendeka Shukulu Kalunga wa Akamwa ya Vyoshe.

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Kwituluka mu Mashiko 28:1

“Nga mwononoka Shukulu Kalunga Njambi yeni nakunyunga mashiko endi oshe awa njilinakumyanawo ku litangwa lya lelo, co Shukulu Kalunga Njambi akamipwisa muyati wakama wa nzili kutuvakana miyati yoshe ya ano asi.