1 Vimyene 9:16 - Livulu lya Shukulu Kalunga

¹⁶ (Mwene wa Ingito walwisile Ngezele nakuyifungulula, watsiile vaje vatungilemo, co wenyekele ije nganda. Asinoni wayanene kuli munendi wa munakazi kupwa vwana omo washombokele kuli Solomoni,

1 Vimyene 9:16 Iomraidhean Croise

1 Vimyene 3:1

Solomoni walikwatele vusamba na mwene wa ku Ingito akwambata munendi. Wamunenele mu Nganda ya Ndaviti noo wamanesele kutunga lipela lyendi, na Njuvo ya Shukulu Kalunga, na civumbe cakuzengeleka ku Yelusalema.

1 Vimyene 7:8

Njuvo yakulala vavenya Solomoni, ije yakele kunima ya cipango cikwavo ca ku Njuvo Yakusompela, vaitungile ngwe vinjuvo vikwavo. Co lalo watungilile munakazi wendi njuvo, uje muna mwene wa ku Ingito ya cifwa cimo vene.

1 Vimyene 9:24

Solomoni wofwelele mbulu ya mu ngangela ya nganda, omo munakazi wendi, muna mwene wa ku Ingito watundile mu nganda ya Ndaviti nakuya ku lipela lije lyamutungilile Solomoni.

Yoshwa 10:33

Mwene Holame wa ku Ngezele wezile nakukwasa Lakishe, oloni Yoshwa wamufungulwile na mashwalale vendi, co naumo wai wasaleleo na mwonyo.

Yoshwa 16:10

Oloni vaEfalime kuvashekelemo vaKanana vaje vakele mu Ngezele, ngecivene, vaKanana vacili nakukala akati ka vaEfalime na lelo lino, oloni valinakuvapangesa ngwe vindungo.