1 Vimyene 8:66 - Livulu lya Shukulu Kalunga

⁶⁶ A litangwa lyamucitanu na atatu, Solomoni washikile vanu kuya ku membo avo. Co voshe vamushangazalele, co velukile ku membo avo nakujolela omwo vivezikiso vyoshe vije vyaanene Shukulu Kalunga kuli ngamba yendi Ndaviti na kuli vanu vendi va Isalele.

1 Vimyene 8:66 Iomraidhean Croise

Kushangumuka 47:7

Asinoni Yosefa watwalele ishe Yakomba kuli mwene. Co Yakomba wavezikisile mwene.

1 Vimyene 8:1

Asinoni Mwene Solomoni wasanene vantwama voshe va miyati na vikota vya Isalele kwija kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, nganda ya Ndaviti, ngeci vacinene ku Njuvo ya Shukulu Kalunga.

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

1 Vimyene 8:65

Co Solomoni na vanu voshe va Isalele valingile Ciwano ca Mapapela a matangwa atanu na avali

1 Vimyene 9:1

Omo Mwene Solomoni wamanesele kutunga Njuvo ya Shukulu Kalunga, na lipela, na vyuma vyoshe vyeka vije vyashakele kutunga,

2 Mizimbu 29:36

Co Mwene Hezekiya amo na vanu vavwaelelele, omwo Njambi wavakwasele kulinga vyoshe evi mu vwasi.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 7:10

co a litangwa lyamumakumi avali na atatu ku ngonde yamucitanu na vivali, Solomoni washikile vanu veluke ku membo avo. Co voshe vamushangazalele a vivezikiso vyoshe vije vyaanene Shukulu Kalunga kuli vanu vendi va Isalele, na kuli Ndaviti, na kuli Solomoni.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Nehemiya 9:25

Vanu vove vafungulwile vinganda vya vimpaka, na lifuti lya vwilo, na vinjuvo vyakushula na vufuko, na masima aje vendilile cimweja, na miti ya olive, na miti ya vushuka, na vitungu vya mikolovozi ya vushuka vwa vinyu. Valile vyoshe vije vivashakele, co vanunile, vavwaelelele mu vyuma vyoshe vyavivwa vije viwavanene.

Myaso 122:6

Lombeleni ngeci mu Yelusalema mukale kwoloka, “Vaje vaka-kukuzema vakale mu kwoloka!

Myaso 122:9

Omwo a Njuvo ya Shukulu Kalunga Njambi yetu, njilombela akuvezika kwove.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Zefaniya 3:14

Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:18

Oloni evi mukavilila ku mesho a Shukulu Kalunga Njambi yeni, ku mwela uje wakaangula Shukulu Kalunga Njambi yeni kumulemesela, yeni na vana veni va vanalume, na ava va vanakazi, na vangamba veni va vanalume na ava va vanakazi, na vaLevi vaje valinakuyoyela mu vinganda vyeni. Co mukajolela ku mesho a Shukulu Kalunga Njambi yeni a vyuma vyoshe vije vimukalinga.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Filipu 4:4

Joleleni muli Mwene simbu yoshe, njicendekamo lalo ngwange, joleleni!

Yoshwa 22:6

Ngecivene, Yoshwa wavavezikisile, co velukile ku membo avo.