1 Vimyene 8:65 - Livulu lya Shukulu Kalunga

⁶⁵ Co Solomoni na vanu voshe va Isalele valingile Ciwano ca Mapapela a matangwa atanu na avali

1 Vimyene 8:65 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

1 Vimyene 3:15

Solomoni wakasumukile mu tulo, co wanangukile ngeci kuma Njambi nendeka nendi ku tulo. Co waile ku Yelusalema wakemanene, kulutwe lwa Cikasa ca Cikumiiyo ca Shukulu Kalunga, co wakanene vin̄ombelo vya kwenyeka na milambu ya kulitombola kuli Shukulu Kalunga. Co akumanesa walingilile ciwano vamyata vendi voshe.

1 Vimyene 4:21

Vushwana vwa Solomoni vwawezeleleko na mafuti oshe kutunda ku Ndonga ya Yufuleti kutwala ku Filisitiya na nginga ya Ingito. Vakele nakufweta lisimu kuli ikeye, co vakele mwisi yendi simbu yoshe yakuyoya kwendi.

1 Vimyene 4:24

Solomoni washwanene lifuti lyoshe lya mu kangombe ka yambi ku Yufuleti, kutunda ku Tifesa kutwala ku Yufuleti na kweta ku nganda ya Ngaza mu kangombe ka yambi. Co vimyene voshe va mu kangombe ka yambi ka ku Yufuleti vakele mwisi yendi, co ikeye wakele mu kwoloka na mafuti oshe aje amuzengelekele.

1 Vimyene 8:2

Co voshe vezile ku Ciwano ca Mapapela mu ngonde yamucitanu na vivali ngonde ya Etanime.

1 Vimyene 8:66

A litangwa lyamucitanu na atatu, Solomoni washikile vanu kuya ku membo avo. Co voshe vamushangazalele, co velukile ku membo avo nakujolela omwo vivezikiso vyoshe vije vyaanene Shukulu Kalunga kuli ngamba yendi Ndaviti na kuli vanu vendi va Isalele.

2 Vimyene 14:25

Ikeye welwisile mitambela yoshe ije yapwile ya Isalele, kutunda ku Ngila ya Hamate ku kunto kweta na ku Lishali lya Mema a kutsa ku mbwela. Evi vikevyo vyakulaesele Shukulu Kalunga, Njambi ya Isalele, ali ngamba yendi Yona muka-kwimanena muna Amitai wa ku Ngate Hefele.

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

2 Vimyene 23:33

Kushwana kwendi kwahwile omo Mwene Neko wa ku Ingito wamutwalele ku Limbela mu lifuti lya Hamate, nakumupwisa cinzinda, co wafwetesele Yunda mulambu wa makilo 3,400 a siliva, na makilo 34 a ngolinde.

1 Mizimbu 1:16

na vaAlevandi, na vaZemali, na vaHamate.

1 Mizimbu 13:5

Ngecivene, Ndaviti wakungulwile vanu va Isalele vaje vatundile mu lifuti mwoshe, kushangumukila ku nginga ya va Ingito ku mbwela kutwala ku Ngila ya ku Hamate ku kunto, vakashake Cikasa ca Cikumiiyo citunde ku Kilyate Njealime vacitwale ku Yelusalema.

2 Mizimbu 30:13

Ku ngonde yamucivali mbunga yakama ya vanu vakungulukilile mu Yelusalema nakulisamba Ciwano ca Makende Akujeneka Musima.

2 Mizimbu 30:23

co voshe vaje vakungulukilile kuje vayongwele ngeci vaakeleko lalo matangwa atanu na avali. Ngecivene, valisambele nakujolela.

Kutuuka 23:31

Co njikatwa vinginga vya lifuti lyeni nakuvyamesa kutunda ku Linema lya Akava kutwala ku Lishali lya Menditelenyani, nakutunda ku mambo nakweta ku Ndonga ya Yufuleti. Co njikamyana moko akamwa yavavenya lifuti lije, mukavashekamo nakuvatundisamo omo mukaya kulutwe.

Isaya 27:12

A litangwa lije, kutunda ku Ndonga ya Yufuleti nakweta ku nginga ya Ingito, Shukulu Kalunga akakungulula vanu vendi umo na umo, ngwe munu aangununa tiliku ku lijungu.

Ezekiyele 47:19

“Co nginga ya mu mbwela ya mu kangombe ka yambi ikatunda ku Tamale nakweta ku mema a Melimba mu Kandeshe, asinoni iketa ku kunto ya mu kangombe ka yambi ku nginga ya Ingito nakweta ku Lishali lya Menditelenyani.

Amose 6:14

Shukulu Kalunga Njambi Muka-nzili yoshe ikeye vavenya alinakwendeka ngwendi, “Yeni vanu va mu Isalele, njikamitumina muyati ngeci vakukale mu lifuti lyeni. Vakamiyandesa kutunda ku Ngila ya Hamate ku kunto nakweta ku muna ndonga Alamba mu mbwela.”

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Kulava 34:5

Co ikatengulukila lalo ku cana ku nginga ya Ingito, co ikahwila ku Lishali lya Menditelenyani.

Kulava 34:8

Kutunda kuje iketa ku Ngila ya ku Hamate. Co iketa ku Zendande,

Yoshwa 13:3

na mitambela yoshe ya Avime ku mbwela. (Lifuti lyakutunda ku muna ndonga Shihole, ku nginga ya Ingito, nakweta ku kunto ku nginga ya ku Ekelone, lifuti eli lyoshe lyapwile lya vaKanana. Vimyene va vaFilisitiya vakele ku Ngaza, na Ashendonde, na Ashekelone, na Ngate, na Ekelone.)

Yoshwa 13:5

na lifuti lya vaNgembale, na mu ngangela ya Lembanone mwoshe, kutunda ku Mbalengande, ije yakala mu mbwela ya Munkinda wa Helemone, nakweta ku Ngila ya Hamate.

Yoshwa 15:1

Mutambela wa muyati wa vatekulwila va Yunda, wetele ku nginga ya Endome na ku mambo ya Zine ku mbwela.

Yoshwa 15:4

yetele ku Azemone, co yakavele muna ndonga ije yakele ku nginga ya Ingito nakweta ku Lishali lya Menditelenyani, kuje kukekwo kuyahwililile nginga. Eyi ikeyo yapwile nginga ya ku mbwela ya lifuti lya Yunda.

Yoshwa 19:35

Co vinganda vya vimpaka vyapwile, Zindime, na Zele, na Hamate, na Lakate, na Kinelete,

Maako 3:3

Vaje vasalele mu lifuti vakevo vimyene vaje vatanu va vaFilisitiya, na vaKanana voshe, na vaSindoniya, na vaHivi, vaje vakele mu Minkinda ya Lembanone kutunda ku Munkinda wa Mbale Helemone nakweta ku Ngila ya Hamate.