1 Vimyene 8:6 - Livulu lya Shukulu Kalunga

⁶ Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

1 Vimyene 8:6 Iomraidhean Croise

2 Samwele 6:17

Asinoni vaakele Cikasa mu mwela waco mu Mbalaka ije yatungile Ndaviti. Ngecivene, Ndaviti wakombelelele vin̄ombelo vya kwenyeka, na milambu ya kulitombola kuli Shukulu Kalunga.

2 Samwele 6:2

wavatwalele ku Mbala mu Yunda, vakashake Cikasa ca Cikumiiyo ca Njambi, cije vatumbwile mu lizina lya Shukulu Kalunga Muka-nzili yoshe, uje natumbama akamwa ya vakelumbi.

1 Vimyene 6:16

Mulili wa mukati uvatumbwile Mwela Wakujela Manene, vautungilile kunima ya Njuvo ya Shukulu Kalunga. Vulaja vwawo vwapwile mamita 9, co vautepesele na mavaya a kendale kutunda asi nakweta kwilu.

1 Vimyene 6:19

Co mukati ka Njuvo ya Shukulu Kalunga vatungililemo mulili wakwaka Cikasa ca Cikumiiyo ca Shukulu Kalunga.

1 Vimyene 6:27

Vavaakele mu Mwela Wakujela Manene, ngeci aje mambava avo akujanjavala aliwanene, limbava limo lya Kelumbi umo lyakwatele a limbava limo lya kelumbi mukwavo mukati ka mulili, co mambava akwavo avali akwatele ku vivumbe.

1 Vimyene 8:3

Omo vantwama voshe vanakunguluka, co vaka-kukombelela vakakwile Cikasa ca Cikumiiyo,

1 Vimyene 8:4

vacitwalele ku Njuvo ya Shukulu Kalunga. Co vaLevi na vaka-kukombelela lalo vatwalele Mbalaka Mwakuliwanena na vivala vyayo vyoshe ku Njuvo ya Shukulu Kalunga.

1 Vimyene 8:7

Co mambava avo akujanjavala afwikile kumo Cikasa na mikambo ije ivacambatelele.

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

2 Mizimbu 5:7

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 80:2

sholola nzili yove ku miyati ya Efalime, na Mbenjemani, na Manase! Ija utwamene!

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Kutuuka 37:9

Co vaje vakelumbi va mambava valikengele vihanga vyavo umo na umo aje a cifwiko, co aje mambava avo akujangumuka afwikile cifwiko.

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Ezekiyele 41:4

Wasetekele mulili uje wakele ku shongo ya Mwela Wakujela, wapwile mamita likumi mwoshe nomu-nomu. Asinoni uje munalume wendekele kuli yange ngwendi, “Ou ukewo Mwela Wakujela Manene.”

1 Samwele 4:4

Ngecivene, vatumine miluwa ku Shilo vakashakele Cikasa ca Cikumiiyo ca Shukulu Kalunga Muka-nzili yoshe, uje ali akamwa ya vakelumbi. Co vana va Eli vavali, Hofene, na Finehase, vezile na Cikasa ca Cikumiiyo.